ნეტბუკები (NetBook), იგივე "ინტერნეტ ტერმინალები", ანუ სუსტი, ძირითადად ელ.ფოსტის, ჩატისა და ინტერნეტში სეირნობისთვის განკუთვნილი მცირე ზომის ნოუთბუქები ბაზარზე გამოჩენის დღიდან ძალიან პოპუალრულები არიან. რა სუსტი და მცირე ზომისაც არ უნდა იყოს, ნეტბუკიც კომპია და თავისი ოპერაციული სისტემა სჭირდება. აქ კი MS, რაც არ უნდა გასაკვირი იყოს, ძალიან დიდი ანგარიშით აგებს ლინუქსთან.

ინტერნეტის და მისი მომხმარებლების ზრდის ტემპების გათვალისწინებით გასაკვირი არაა, რომ ბრაუზერების ბაზარი დუღს და გადმოდუღს. IE, Opera, Firefox, Safari, Chrome, Avant, Flock ... ყველას ჰყავს თავისი რამდენიმე მილიონიანი (თუ მილიარდიანი?) "რკინის აუდიტორია", მაგრამ არცერთს შეუძლია დაიკვეხნოს, რომ რომელიმე კონტინენტი სრულად დაიპყრო, გარდა Firefox-ისა.

განახლდა უფასო ანტივირუსული სკანერები Kaspersky Lab, Dr. Web და რიგი სხვა მწარმოებლებისგან. პროგრამები წარმოადგენენ აუცილებელ არსენალს ნებისმიერი Windows მომხმარებლისა, რომელსაც ხშირად უწევს კომპიუეტრების წმენდა ვირუსებისა და სხვა საზიზღრობისგან. უბრალოდ ჩაწერეთ დისკზე ან ფლეშ დრაივზე და იქიდან დაასკანირეთ კლიენტების კომპიუტერები.

შეიძლება ბევრს არ ახსოვს, მაგრამ იყო შავბნელი დრო, როცა სისტემიდან უბრალო MSN Messenger-ის მოცილება ფაქტობრივად სისტემის სტაბილურობაზე უარის თქმას ნიშნავდა, სისტემის გაფუჭების ერთ-ერთი ყველაზე მარტივი და სწრაფი გზა კი IE-ს წაშლა გახლდათ. იმის მერე ბევრმა წყალმა ჩაიარა, MSN Messenger საერთოდ Live Messenger-ად გადაკეთდა და სისტემას აღარც კი მოჰყვება, IE-ს ამოინსტალირების მცდელობა კი კატასტროფას მაინც აღარ იწვევს (თუმცა მისით მოსარგებლე პროგრამების არასწორი მუშაობის მიზეზი ხდება). სულ ახლახანს კი MS-მა გამოაცხადა, რომ Win7-ის RC საშუალებას იძლევა, თითქმის ყველა სისტემას მოყოლილი და მასთან ერთად ინტალირებული პროგრამა "გამოვრთოთ".

მსოფლიოში საკმაოდ ბევრი პრემიუმ ანტივირუსული პროდუქცია არსებობს, მაგრამ საქართველოში სულ რამოდენიმეა პოპულარული ძირითადად მათზე ჩამოყალიბებული სტერეოტიპებისა და ადვილად გატეხვადობის გამო. მათგან ერთ-ერთია Eset-ის წარმოებული NOD32, რომელიც გაჩენის დღიდან გამოირჩევა სიმსუბუქით, სისწრაფით და ლიცენზიების ადვილად მოპოვების შესაძლებლობით. ანტივირმა დროთა განმავლობაში ბევრი ცვლილება განიცადა, დაიხვეწა, გაძლიერდა და აგერ v4.0-მდეც მოვიდა. შეგახსენებთ, რომ მისი ბოლო ვერსიებია v3.0.x, ანუ ეს განახლება ნამდვილად ღირს ყურადღების მიქცევად, მასში ბევრი სიახლეა თავმოყრილი.

ამ ბრაუზერს დიდი წარდგენა არ სჭირდება, უბრალოდ ვიტყვი, რომ საკმაოდ დიდი პაუზის შემდეგ გამოვიდა Opera-ს განახლებული, 0.01-ით წინ წაწეული ვერსია. სიახლეები ვერსიაში, როგორც მოსალოდნელი იყო, არ არის, გასწორებულია რამოდენიმე ბაგი და დამატებულია აღნიშვნის ღირსი ერთი სიახლე: DEP-ისა (Data Execution Prevention - Win XP-ის დაცვის სისტემა) და ASLR-ის (Address Space Layout Randomization - Win Vista-სა და Win 7-ის დაცვის ტექნოლოგია) მხარდაჭერა, რაც იმას ნიშნავს, რომ Opera-თი სისტემაში შეღწევა გაძნელდება, ანუ პროგრამის გამოყენება კიდევ უფრო უსაფრთხო გახდა.

განახლდა ვირუსებისა და სხვა ბოროტმოქმედი პროგრამებისგან (Malware) საწმენდი უტილიტა Norman-ისგან. მაიკროსოფტის ცნობილი Malicious Software Removal Tool-ის მსგავსად ის წარმოადგენს ანტივირუსულ სკანერ-მწმინდავს, ანუ არ შესწევს ძალა დაგიცვათ ინფიცირებებისგან. მისი ერთადერთი მოვალეობაა აღმოაჩინოს და გაანადგუროს ინფექციები ვინდოუზ სისტემებში. ასევე Malicious Software Removal Tool-ის მსგავსად ის არ შეიცავს სრულ ანტივირუსულ ბაზას, ამის მაგივრად Malware Cleaner სისტემის სპეციალურ ადგილებში ეძებს და ეფექტურად ანადგურებს მხოლოდ ყველაზე გავრცელებულ და საშიშ ვირუსებს, ჭიაყელებს, პროგრამა შპიონებს, ტროიანულ ცხენებსა და სხვა.

დიდი ხნის პაუზის შემდეგ გამოვიდა პირველი სერვის პაკეტი Microsoft-ის ცნობილი ვირტუალური კომპიუტერისთვის. მინდა შეგახსენოთ, რომ Virtual PC თავდაპირველად წარმოადგენდა ფასიან პროდუქტს, შემუშავებულს კომპანია Connectix-ის მიერ, რომელიც 2006 წელს Microsoft-მა თავფეხიანად ჩაყლაპა და ახლა მის მიერ დაწერილ პროგრამულ უზრუნველყოფას თავისი სახელით ავრცელებს, ოღონდ უფასოდ. თუ არ გინდათ თქვენი ორიგინალი სისტემის დაზიანება და ამასობაში საჭიროა რაიმე პროგრამის ან პარამეტრის ტესტირება, ეს პროგრამა სრულად გამოგადგებათ, რადგან, როგორც სახელიდან შეგიძლიათ დაასკვნათ, ის ქმნის ვირტუალურ კომპიუტერს, რომლის შიგნითაც თავისუფლად და უსაბრთხოდ შეძლებთ ექსპერიმენტების ჩატარებას.

ყოველთვის, როცა Microsoft-ის მიერ შემუშავებულ ნოვატორულ იდეებზე ვფიქრობ, მახსენდება Steve Jobs-ის ლეგენდარული ჩანაწერი (2:50): "The only problem with Microsoft is they just have no taste. They have absolutely no taste. And I don't mean that in a small way, I mean that in a big way, in the sense that they don't think of original ideas, and they don't bring much culture into their products."

დღეს ნანახმა ვიდეო კლიპმა კი საბოლოოდ გადამაწყვეტინა, რომ ეს ჩანაწერი, რბილად რომ ვთქვათ, მოძველდა და დღევანდელ სიტუაციას აღარ შეეფერება. Microsoft-მა გამოაქვეყნა ხუთწუთიანი ვიდეო კლიპი, რომელშიც ასახულია კომპანიის ხედვა, თუ როგორი შეიძლება იყოს ჩვენი გარემო ათი წლის შემდეგ. მთავარი აქცენტი გაკეთებულია Touch და Natural User ინტერფეისებზე, რაც ბუნებრივია, თუ გავითვალისწინებთ, რომ კომპანია ყველაზე აქტიურად სწორედ ამ მიმარუთლებებით მუშაობს.

ვიკიპედიას შეძენა წიგნურ ფორმატში რომ შესაძლებელია, უკვე დიდი ხანია, ცნობილია, მაგრამ თქვენი ფავორიტი ვიკიპედიური სტატიების წიგნად შეძენა რაღაც ახალია - PediaPress საშუალებას აძლევს ნებისმიერს, გარკვეული თანხის სანაცვლოდ თაროზე ვიკიპედიას სტატიებისგან შემდგარი წიგნი შემოდოს. სერვისი მისაწვდომია 7 ენაზე, ეს ენებია: გერმანული, ფრანგული, ესპანური, პორტუგალიური, დანიური, პოლონური და გამარტივებული ინგლისური. ინგლისურის მხარდაჭერა ჯერჯერობით მხოლოდ რეგისტრირებული მომხმარებლებისთვის მუშაობს, ისიც არასრულფასოვნად და სატესტო რეჟიმში.