Mozilla Fennec Beta1
![]() დღეს ბრაუზერი ყველაზე მოთხოვნადი სოფტია და ლოგიკურიცაა, რომ ზუსტად ამ სფეროშია ყველაზე დაუნდობელი კონკურენცია. თუ დესკტოპ სეგმენტს გადავხედავთ, პატიოსან ბრძოლაში Firefox იმარჯვებს და ბაზრის თითქმის მეოთხედს ფლობს, მაგრამ როგორც კი პერსონალურ კომპიუტერებს გავცდებით, Opera უპირობო ლიდერია - ესაა ბრაუზერი ყველა Java-Enabled ტელეფონისვის, ყველა სმარტფონისთვის, Wii-სთვის, PSP-სთვის ... და Mozilla-მ გადაწყვიტა, ნელ-ნელა ჩამოართვას Opera-ს ეს ტიტული. დაწყებით კი სმარტების ბაზრიდან დაიწყო და სულ ცოტა ხნის წინ თავისი მობილური ბრაუზერის, Fennec-ის პირველი ბეტა ვერსია წარმოადგინა. [სხვათა შორის, Fennec ძაღლისებრთა ჯიშის პატარა ცხოველია, თუმცა გარეგნობით პატარა მელას წააგავს, ამ ანალოგიიდან მოდის ბრაუზერის დასახელებაც. Fennec-ზე მეტი ინფორმაცია და სურათები შეგიძლიათ იხილოთ ქართულ და ინგლისურ ვიკიპედიებში.] ვერსია პირველი ბეტაა, მაგრამ უკვე მეთორმეტე ბილდია, ასე რომ, ზოგადი წარმოდგენის შექმნა შეიძლება. პირველი შთაბეჭდილებით, ბრაუზერი საკმაოდ მომხიბვლელია - მინიმალისტური, მსუბუქი და სასიამოვნო ინტერფეისი, ჭკვიანურად მოფიქრებული განლაგება, ნორმალური რენდერი და ჩატვირთვის სიჩქარე (თუმცა ამ უკანასკნელზე მსჯელობა ძნელია, რადგან დაკვირვება Windows-ში ემულირებულ ვერსიაზე ხდებოდა). გვაქვს ტაბების და სანიშნეების მხარდაჭერაც და რაც ყველაზე საინტერესოა და რითაც, სავარაუდოდ, შეეცდება Mozilla მომხმარებლების მოზიდვას - Fennec მხარს უჭერს Firefox-ის გაფართოებებს! რა თქმა უნდა, არა ყველას, თავსებადობის პრობლემებიდან გამომდინარე, მაგრამ რამოდენიმე მათგანი ამწუთასაც მისაწვდომია და ძნელი მისახვედრი არაა, რომ ბევრის პორტირებაც მოხდება სრული ვერსიის გამოსვლის შემდეგ. თვითონ ბრაუზერი შემდეგ ფუნქციებს გვთავაზობს:
ამ ვერსიის ძირითადი მიზანი, Mozilla-ს მიხედვით, გამოხმაურების მიღება და პროდუქტის გარშემო FF საზოგადოების აკუმულირებაა. სამუშაო ბევრია - უნდა ჩატარდეს ტესტირების სერიები, მოხდეს პროდუქტის ლოკალიზება სხვადასხვა ენებზე, დაიწეროს ახალი და პორტირდეს არსებული გაფართოებები და ა.შ. აპლიკაცი მისაწვდომია Nokia N810-ზე (იხილეთ აქ), თუმცა არსებობს მისი დესკტოპური სატესტო ვერსიაც, ყველა სისტემისთვის! ჩამოტვირთვა შესაძლებელია ამ ბმულებიდან: Windows ვერსია | Mac OS ვერსია| Linux ვერსია Mozilla-ს მიერ შედგენილი Release Notes შეგიძლიათ იხილოთ აქ: Fennec M12 (Beta 1) for Maemo release notes ![]() |
|
უცნაურია და სადემოსტრაციო პროგრამის Windows ვერსიაში პროგრამის საქაღალდეში არის ერთი საქაღალდე, სახელად Chrome :)