მიუხედავად იმისა, რომ დღესდღეობით ყველაზე პოპულარული ოპერაციული სისტემა, ალბათ, Windows 7-ია და ყურადღების ცენტრშიც სწორედ ისაა, საკიმაო ინტერესს იმსახურებს Intel-ის პირმშოც. დიახ, დიახ, არ გეშლებათ, პროცესორების უდიდესმა მწარმოებელემა ოპერაციული სისტემა გამოუშვა. Intel-ის Moblin 2.0 Beta ოპ. სისტემა ლინუქსზეა ბაზირებული და განკუთვნილია სპეციალურად ნეტბუქებისთვის. სისტემა საკმაოდ მსუბუქია, მორგებული ნეტბუქების წარმადობაზე და ამასთანავე საკმაოდ ფუნქციონალურიც.

Intel Moblin 2.0-ის ინტერფეისი. მარტივი, სადა, ძალიან ლამაზი და ფუნქციონალური

Moblin 2.0-ის ტექნიკურ მოთხოვნებში შედის მხოლოდ Intel-ის გრაფიკულ ადაპტერზე ბაზირებული ლეპტოპის ქონა. თუმცა, წესით მისი ჩაწერა დესკტოპ კომპიუტერზეც არ უნდა იყოს პრობლემა, დრაივერის გადმოწერა შესაძლებელი იქნება დესკტოპ გრაფიკული ადაპტერისთვის. ერთი შეხედვით Moblin-ი საკმაოდ კარგ შთაბეჭდილებას ტოვებს. როგორც საპრეზენტაციო ვიდეო კლიპშია ნაჩვენები, Moblin 2.0-ს მრავალი ტიპის ქსელების მხარდაჭერა აქვს დამატებული და უზრუნველყოფს თქვენი ნეტტოპის სრულ ინტეგრაციას ქსელებში.

საპრეზენტაციო ვიდეოსა და გადმოსაწერი ლინკების სანახავად დააჭირეთ სრულად-ს.

გთავაზობთ Intel Moblin 2.0-ის საპრეზენტაციო ვიდეო კლიპს:

Moblin-ის ოფიციალური ვებ-საიტი
Moblin-ის ღია Beta ტესტირებისადმი მიძღვნილი ნიუსი (აუცილებლად წაიკითხეთ, წინ საჭირო ლინკები და ინსტრუქციები გელით)
Moblin-ის გადმოწერების გვერდი

ლინკი CompInfo-ს ფორუმზე, Moblin 2.0-ის განხილვა/ტესტირების თემაზე

წარმატებულ ტესტირებას გისურვებთ. გთხოვთ, თქვენი შედეგები და აზრები დააფიქსიროთ ფორუმზე, შესაბამის თემაში.

ბეჭდვითი ვერსია