Google-მა თავის სერვისს Google Translate, რომელსაც შეუძლია ტექსტის ან ვებ-გვერდის 42 სხვადასხვა ენაზე თარგმნა, "ჩუმად" დაამატა დოკუმენტების თარგმნის ფუნქციაც. როგორც ახლაა ცნობილი, Google Translate უმკლავდება txt, doc, html, xls, pdf და odf ფაილებს, თუმცა ამ ფაილების სია თავისუფლად შეიძლება გაიზარდოს, როცა Google ოფიცალურად გამოაცხადებს ამ ცვლილების შესახებ.

ნათარგმნი ტექსტი ჯერჯერობით მხოლოდ html ფორმატითაა მისაწვდომი (ზუსტად ისე, როგორ ძიების შედეგებში დოკუმენტის html preview), თუმცა შესაძლებელია, ძალიან მალე ნათარგმნი დოკუმენტის Google Docs-ში იმპორტირების ფუნქციაც ვიხილოთ.

მოკლედ, ძალიან სასიამოვნო ფუნქციაა, ამიერიდან შეგიძლიათ ძვირადღირებული (თუ ძნელად გასატეხი?) სათარგმნი პროგრამები არ გამოიყენოთ და ყველაფერი Google-ს ათარგმნინოთ. თუმცა, მეორე საკითხია პირადულობა, გენდომებოდათ კი Google-ისთვის თქვენი დოკუმენტები მიგეცათ თუნდაც სათარგმნად, იქნებ ის მათ თარგმნის შემდეგ არ შლის?

ბეჭდვითი ვერსია