ალბათ შეამჩნიეთ რომ ეს რამდენიმე კვირ5აა ჩვენი საიტი ნაკლები ინტენსივობით განიცდის განახლებას. ამ კეთილ საქმეში ხელს გვიწყობს ბევრი ჩვენგან დამოუკიდებელი ფაქტორი, მაგალითად ინტერნეტ პროვაიდერი ცალკე ზრუნავს ამაზე, ჰოსტ პროვაიდერი თავის მხრივ არ გვაკლებს ზრუნვას. შედეგად ხან განახლება ვერ ხდება დროულად და ხან სერვერი საერთოდ გათიშულია.

დღეიდან ჩვენს ბედნიერებას კიდევ ერთი სიხარული დაემატა, გაგითიშეს ჩვენი FTP სერვერი. როგორც იცით ამ სერვერზე იდო ჩვენი ყველა ნამკურნალები პროგრამა და ჟურნალის სტატიებში განხილული პაკეტები, იგივე სერვერზე იყო ნაწილი სურათები, რომლებიც სიახლეებში გამოიყენებოდა, დღეიდან ეს ფაილებიც მიუწვდომელია (სხვათაშორის ამავე სერვერზე გვქონდა WOW-ისა და BC-ს პაჩები, პლიუს მოძველებული სერვერები ამ თამაშებისთვის). რა თქმა უნდა ჩვენ ეს ყველაფერი ძალიან გვიხარია, მაგრამ ნამეტანი არ მოგვწონს. სამწუხაროდ პრობლემა მინიმუმ 1 კვირის განმავლობაში არ მოგვარდება, ყველა ფაილი შენახულია და უახლოეს პერიოდში გადავალთ, ან სხვა ჰოსტზე (უბრალოდ დღევანდელ ჰოსტზე შეუძლებელია იგივე მოცულობის ფაილ-საწყობის შექმნა) ან სხვა უკეთეს გზას ვნახავთ (ამ ბოლო ინფორმაციას ჯერ ვერ მოგაწვდით, მიმდინარეობს აქტიური მუშაობა და განხილვა, სასიამოვნო ინფორმაციას ნამდვილად არ გამოგაპარებთ). მანამდე კი მოგვიწევს დღეისათვის არსებული სიტუაციით სარგებლობა.

მოკლედ, ამჯერად საიტი მუშაობს. და მისი გათიშვა არ იგეგმება, უბრალოდ ჩვენსა და ჰოსტ  პროვაიდერს შორის მომხდარი ცვლილების გამო მიუწვდომელია ჩვენი FTP სერვერი, ასევე დროებით ალბათ ისევ ექნება საიტის მუხრუჭობანას ადგილი. ამ საკითხზე ვმუშაობთ და უახლოეს მომავალში გადავწყვიტავთ. მართალია ჩვენგან დამოუკიდებელი მიზეზების გამო ხდება ეს შეფერხებები და უსიამოვნებები, მაგრამ მთელი რედაქციის სახელით ყველა ჩვენს ვიზიტორს ბოდიშს ვუხდით და ვთხოვთ ცოტახანს კიდევ მოითბინონ.

ბეჭდვითი ვერსია