ნახევარგამტარების მწარმოებელი კომპანიები IBM, AMD, Henry Richard’s Freescale, Infenion, Samsung და Chartered Semiconductor Manufacturing Ltd გაერთიანდნენ Intel-ის წინააღმდეგ. ალიანსს სათავეში IBM ჩაუდგა და ინტელის 32 ნმ-ული ტექნოპროცესის წინააღმდეგ ბრძოლაში თავისი მომხრეების მთავარსარდლობა იკისრა :-)

ალიანსის მიზანია შექმნას ახალი High-K/Metal Gate ტრანზისტორები 32 ნმ-ი ტექნოპროცესით, რომელიც ალიანსის წევრებისთვის ხელმისაწვდომი იქნება 2009 წლის მეორე ნახევრისთვის (სწორედ ამ დროს იქნება მზად ინტელის 32 ნმ-ული ტექნოპროცესი).

IMB-მა და მისმა პარტნიორებმა უკვე წარმოადგინეს 32 ნმ-ული ტექნოპროცესით დამზადებული მუშა CMOS SRAM ჩიპები, რომელთა  თითოეული უჯრედის ფართობი 0.15um^2-ია. იგივე ჩიპები წარმოადგინა Intel-მაც IDF 2007-ზე თავისი 32 ნმ ტექნოლოგიის სადემონსტრაციოდ.

ალიანსის ჩამოყალიბება ალბათ ყველაზე სასიხარულო AMD-სთვის იქნება, როგორც იქნა, კომპანიას გაუჩნდა შანსი, რომ თითქმის იგივე დროს, როცა ინტელს, ექნება მსგავსი ტექნოპროცესი.

ჩვენ კი, ლოდინის გარდა სხვა არაფერი დაგვრჩენია. ვნახოთ, საკმარისი ძალა აღმოაჩნდება ალიანსს Intel-ის დასამარცხებლად?

ბეჭდვითი ვერსია