საერთოდ, USB სარაკეტო სისტემა საკმაოდ ძველი სათამაშოა. პირველად ეს პროდუქტი ბაზარზე დაახლოებით 3 წლის წინ გამოჩნდა. ახლა კი, კომპანია Brando -ს მაღაზიაში გამოჩნდა ამ სათამაშოს განახლებული ვერსია, რომელიც თანამედროვე მოთხოვნების შესაბამისია. სარაკეტო სისტემა აღჭურვილია უმავთულო გადამცემით, რომლის მუშაობის რადიუსია მიახლოებით 4.5 მეტრი. შესაბამისად, შესაძლებელია სარაკეტო სისტემის მოშორებულ ადგილას მოთავსება და კომპიუტერის მეშვეობით მისი მართვა.

რაც შეეხება რაკეტებს, მათი სროლის ეფექტური მანძილი 6 მეტრია. ამასობაში, სროლის სისწრაფე საკმაოდ დიდია. მოწყობილობას მოყვება სპეციალური პროგრამული უზრუნველყოფა სამართავად. ასევე, შესაძლებელია სროლის გაფორმება შესაბამისი აკუსტიკით :) სარაკეტო სისტემის ფასი 45$-ია და მისი შეკვეთა უკვე შეგიძლიათ. შეკვეთები ყველას დაურიგდება 25 დეკემბერს.

მე თუ მკითხავთ, ჩემი აზრით, მშვენიერი საჩუქარია ”კომპიუტერშიკი” მამაკაცებისთვის საახალწლოდ :)

ბეჭდვითი ვერსია