Sony Ericsson w980i & Z770
3GSM, ანუ როგორც ფორმალურად ჰქვია, "მსოფლიო მობილური კონგრესი" SE–სთვის ძალიან წარმატებული აღმოჩნდა. იმის შემდეგ, რაც კომპანია გახსნა ორი ახალი ხაზი, XPERIA და სერია G, გადაარქვა სახელი სერია K-ს, დაარქვა C (Cyber-Shot) და სამივე ხაზით შესანიშნავი პროდუქტები წარმოგვიდგინა, აღმოჩნდა, რომ განახლება არ დასრულებულა და ის W და Z სერიებსაც შეეხო.
Z სერიის სიახლე Z770 გამოდგა – ჩვეულებრივი გასახსნელი ტიპის კორპუსის მქონე მობილი ერთი განსხვავებით – ის შექმნილია მომხმარებელთა იმ ნაწილისთვის, ვისაც არ სჭირდება სმარტფონის თუ ჯიბის კომპიუტერის სიმძლავრე, Walkman–ის მუსიკალური ფუნქციები, K სერიის ფოტოკამერა, მაგრამ სურს ინტერნეტში კომფორტულად მუშაობდეს.
ტელეფონს გააჩნია 2.2'' TFT ეკრანი (საკმაოდ დიდია!), აქვს HSDPA ტექნოლოგიის მხარდაჭერა, რომელიც საშუალებას იძლევა, სწრაფი ინტერნეტ–შეერთება ბოლომდე გამოვიყენოთ; აქვს საკმაოდ მძლავრი ბატარეა და, რა თქმა უნდა, შესაბამისი პროგრამული უზრუნველყოფა ვებ–სერფინგისა თუ ელ–ფოსტისათვის. ტელეფონი დაახლოებით 150–200 ევრო ეღირება.
Z770–ის ტექნიკური მახასიათებლები ასე გამოიყურება:
- GSM 900/1800/1900, UMTS/HSDPA 2100
- 2.2'' TFT, 320x240, 262K ფერი
- 2 MP კამერა 2.5 ციფრული ზუმით
- 32 MB შიდა მეხსიერება, ერთი Memory Stick Micro (M2) სლოტი
- Bluetooth, USB (PictBridge)
- ელ–ფოსტის კლიენი, MS Exchange ActiveSync მხარდაჭერა, Access NetFront ბრაუზერი, Google Maps for Mobile, RSS კლიენტი,
- 8.5/4.5 სთ ლაპარაკის რეჟიმში, 340/350 სთ ლოდინის რეჟიმში (GSM/UMTS ქსელებში)
- 93x48x15.5 მმ, სამი ფერის (Vogue Red, Graphite Black, Exquisite Gold) კორპუსი, 91 გრ.
W სერიაში სიახლეა High-End მობილი W980i. დიდი სიახლე არაფერია. როგორც მაღალი კლასის Walkman–ისგანაა მოსალოდნელი, შესანიშნავი დიზაინი, გამოყოფილი მუსიკალური ღილაკები, დიდი შიდა მეხსიერება (8 გბ!), 3.2 MP ფოტოკამერა და სტერეო დინამიკები. ერთი სიახლეა ჩაშენებული FM რადიომიმღები, რომლის წყალობითაც რადიოს მოსასმენად საჭირო აღარაა ყურსასმენების მიერთება. რაც შეეხება ყურსასმენებს, აქა სიახლეა – მობილს კომპლექტაციაში მოჰყვება ახლად გამოშვებული ყურსასმენები HPM-77, რომლებიც დღეისთვის საუკეთესოდ ითვლებიან SE–ს ყურსასმენებს შორის.
W980i ბაზარზე მაისის დასაწყისში გამოჩნდება და დაახლოებით 350 ევრო ეღირება.
ტელეფონის ტექნიკური მახასიათებლები ასეთია:
- GSM/GPRS 850/900/1800/1900, UMTS/HSDPA 2100
- გარე ეკრანი: 176х176, 262K ფერი; შიდა ეკრანი: 2,2", 240х320, 262K ფერი
- 3,2 MP ფოტოკამერა, Photo Fix ტექნოლოგიის მხარდაჭერით
- 8 GB შიდა მეხსიერება
- Bluetooth (A2DP), FM რადიომიმღები ჩაშენებული ანტენით და RDS ტექნოლოგიის მხარდაჭერით
- საფირმო ტექნოლოგიების, Clear stereo, Clear bass, Album art, Shake control, SensMe, PlayNow, TrackID მხარდაჭერა
- 9 სთ/3 სთ ლაპარაკის რეჯიმში, 300 სთ ლოდინის რეჟიმში (GSM/UMTS ქსელები), 16 სთ მუსიკის დაკვრის რეჟიმშ
- 92 x 46 x 16,9 მმ, 100 გრ.
ბეჭდვითი ვერსია | 13-02-2008, 17:58:00 | domen
|
|
სტატიის შეფასება |
ეს გვერდი უკვე შეაფასეს!
|
|
მეგაპიქსელების ზრდა და ამავე დროს ოპტიკის ზომის შენარჩუნება იწვევს თვითონ პიქსელის ზომის შემცირებას და შედეგად სურათი სრულ ზომაშI უკვე აღარაა მომხიბლავი. იგივე მიზეზითაა, რომ სამოყვარულო თუნდაც 12 მეგაპიქსელიან ფოტოკამერას სურათის ხარისხით პროფერიონალური, მაგრამ 5 მეგაპიქსელიანი სჯობს.
+ რატომ ჰგავს XPERIA X1 მახასიათებლებით E90-ს?
დაჩაგვრას რაც შეეხება, კი, N96 აშკაად წაგებული დარჩა. დღეს X1 რეალურად უკონკურენტო ტელეფონია. ესაა ჯიბის კომიუტერისა და სმარტფონის პირველი წარმატებული შერწყმა. ჯერ მარტო გვაქვს დღესითვის არსებული აბსოლუტურად ყველა ქსელის მხარდაჭერა, ასეთი დონის ასე ვთქვათ Connectivity-ს, ვერცერთი ნოკია ვერ გვთავაზობს :) ისე კი, ამ X1-ის გამოსვლა პირველი კვარტლის ბოლოს ან მეორე ნახევრის დასაწყისშია დაგეგმილი, ანუ ნოკიასაც შეუძლია გაგვაოცოს :)
დომენმა შემატყობინა, რომ "მსგავსებებთან ერთად" SE-ს X1-ის დაუპატენტებია
ჰო, შენი სტატია მე მაქვს ისევ, ვერ დავდეთ ამდენი ხანი საიტზე, გადავყევი IPB-ს