როგორც ცნობილი გახდა, 45 ნმ Deneb 0MB L3 ვერსიას L3 დონის კეში გათიშული არ ექნება. ეს ნიშნავს, რომ აღნიშნული ჩიპები იწარმოება ცალკე და 6მბ-იანი (L3) ჩიპები ცალკე.

ამ სიახლეში საინტერესო ისაა, რომ თუნდაც 45 ნმ ტექნოპროცესზე, 6 MB L3 დონის კეშ-მეხსიერებას საკმაოდ დიდი ადგილი სჭირდება, ჩიპიდან მისი ამოღება კი ათავისუფლებს საკმაოდ დიდ ადგილს და ბირთვიც საბოლოო ჯამში საკმაოდ მცირე ზომის გამოდის. Deneb 0MB L3 გაცილებით პატარა ბირთვი იქნება Nehalem-თან შედარებით და პრეტენზიაც ექნება, მსოფლიოს ყველაზე პატარა Quad-Core-ების სიაში ჩაეწეროს.

პატარა ბირთვი ნიშნავს მცირე ენერგომოხმარებას, გრილ მუშაობას და წარმოებისას ნაკლებ ხარჯს. შესაბამისად, აღნიშნული პროცესორები ჩვეულებრივ ვერსიასთან შედარებით, იაფი ეღირება. თუ L3 კეშის გარეშე პროცესორი წარმადობაში ბევრს არ დაკარგავს, შესაძლოა, მის ხარჯზე, AMD-მ საკმაოდ დიდი მოგება მიიღოს.

ბეჭდვითი ვერსია