Fudzilla-ს ინფორმაციით, nVidia-ს შემდეგი თაობის ჩიპი, GT200, სავარაუდოდ 2008 წლის მე-3 კვარტალში გამოვა. ამჟამად, კომპანია გეგმავს Geforce 9800 GX2-ის ოფიციალურ ანონსს და შემდეგ მთავარი სამუშაო სწორედ GT200 იქნება.

დადის ჭორები, რომ აღნიშნული ჩიპი იქნება D10E (Desktop 10th Generation Enthusiast) და ვიდეო დაფები, რომლებიც აღნიშნულ GPU-ზე აიწყობა, GeForce 10-ის სახელით გამოვლენ. თუმცა, ეს მხოლოდ ჭორია და, შესაძლოა, GT200-ზე მე-9 სერიის GeForce-ები აიწყოს.

სავარაუდოდ, nVidia GT200/G100/D10E ჩიპებს ბაზარზე 2008 წლის მე-3 კვარტალში გამოუშვებს, თუმცა, შესაძლოა, ანონსმა მე-4 კვარტლისკენ ან სულაც 2009 წლისკენ გადაიწიოს. ეს დამოკიდებული იქნება კომპანიის შედეგებზე GT200-თან მიმართებაში და კონკურენტებზე.

ბეჭდვითი ვერსია