Apple-მა გამოუშვა თავისი ბრაუზერის ძალიან საინტერესო ცვილლებებით დატვირთული მე-4 ვერსიია ბეტა ბილდი. ცვლილებები შემდეგია:

• JavaScript ძრავი 4-ჯერ სწრაფი გახდა! ეს წინა ვერსიასთან შედარებით, თორემ IE7-თან შედარებით ის 30-ჯერ სწრაფადაც ამუშავებს Javascript კონტენტს.
• Top Sites - იგივე შელამაზებული Opera-ს Speed Dial
• სრული ძებნა ისტორიაში - ეძებს ყველაფერს, ბმულების, სათაურების, მისმართების და უბრალო ტექსტის ჩათვლით
• Cover Flow - ეს სტილი iPod-იდან მთელ სავაშლეთს მოედო,ნამდვილად არაა გასაკვირი ამ ფუნქციის ბრაუზერში გამოჩენა
• Tabs on Top - საკმაოდ მოხერხებულია, ფანჯრის ზედა დეკორაციული ზოლი (ის, რომელზეც მოთავსებულია ჩაკეცვის, გადიდების და დახურვის ღილაკები) ახლა მთლიანად ათვისებულია და იქ ტაბებია განთავსებული, ნამდვილად მოსახერხებელია - იზრდება გვერდისთვის გამოყოფილი სივრცე
• Smart Address Field - იგივეა, რაც IE-ს AutoComplete,ავტომატურად გივსებთ ნახევრად დაწერილ მისამართს მეხსიერებაში შენახული ყველაზე მსგავსი მისამართით
• Smart Search Field - საკმაოდ საინტერესო სიახლეა, მისამართის ველის გვერდით მოთავსებულია Google-ით ძებნის ველი, რომელიც ავტომატურად გამოსახავს პოტენციურად თქვეთვის საინტერესო საძიებო ფრაზებს ბეჭდვის პროცესში, ეყრდნობა ისევ და ისევ მეხსიერებას
• გვერდის მასშტაბირების "ჭკვიანი" სისტემა, მაქსიმალურად ინარჩუნებს გვერდში კონტენტის განლაგებას მასშტაბირებისას
• ჩაშენებული Developer Tools ვებ-დეველოპერთათვის
• პროგრამა უფრო ბუნებრივად გამოიყურება Windows-ის ქვეშ
  

როგორც ხედავთ, საკმაოდ ბევრი კარგი ცვლილებაა, მართალია, მათგან ცოტა თუა ინოვაციური, ბრაუზერი, უბრალოდ, ეწევა კონკურენტებს. ერთადერთ სასიამოვნო სიურპრიზად ახალი, აჩქარებული Javascript ძრავი შეიძლება ჩაითვალოს, ის ზუსტად ისე სწრაფია, როგორც Apple-ში წერენ და ნამდვილად სასიამოვნო გავლენას ახდენს ბრაუზინგზე.

და ბოლოს, ჩამოსაქაჩი ბმული ოფიციალური საიტიდან:

Apple Safari v4 Beta @ Apple.com

ბეჭდვითი ვერსია