Virtual PC 2007 SP1
დიდი ხნის პაუზის შემდეგ გამოვიდა პირველი სერვის პაკეტი Microsoft-ის ცნობილი ვირტუალური კომპიუტერისთვის. მინდა შეგახსენოთ, რომ Virtual PC თავდაპირველად წარმოადგენდა ფასიან პროდუქტს, შემუშავებულს კომპანია Connectix-ის მიერ, რომელიც 2006 წელს Microsoft-მა თავფეხიანად ჩაყლაპა და ახლა მის მიერ დაწერილ პროგრამულ უზრუნველყოფას თავისი სახელით ავრცელებს, ოღონდ უფასოდ. თუ არ გინდათ თქვენი ორიგინალი სისტემის დაზიანება და ამასობაში საჭიროა რაიმე პროგრამის ან პარამეტრის ტესტირება, ეს პროგრამა სრულად გამოგადგებათ, რადგან, როგორც სახელიდან შეგიძლიათ დაასკვნათ, ის ქმნის ვირტუალურ კომპიუტერს, რომლის შიგნითაც თავისუფლად და უსაბრთხოდ შეძლებთ ექსპერიმენტების ჩატარებას.
SP1-მა თავი მოუყარა ბევრ უსაბრთხოების განახლებას და გარკვეულწილად გაზარდა Virtual PC-ს ფუნქციონალობა. თუ აქამდე ეკრანის მაქსიმალური გაფართოება, მისაწვდომი ვირტუალური კომპიუტერის შიგნით იყო 1600×1200, ამიერიდან ეს მაჩვენებელი გაიზარდა 2048×1920-მდე რომელიც საკმარისზე მეტია უმრავლესობა ჩვენგანისთვის.
მწარმოებლის თანახმად Virtual PC 2007 SP1-ით უკეთესად მუშაობს Windows XP SP2 და SP3-ზე, ასევე Windows Vista SP1-ზე. ზოგადად, მუშაობის სისწრაფე და სტაბილურობა გაიზარდა. ოფიციალური დოკუმენტაციის თანახმად, პროგრამის დაყენებას შეძლებთ შემდეგ host სისტემებზე:
Windows Vista-ს ყველა ვერსიაზე (როგორც 32 ასევე 64-ბიტიან) გარდა Starter და ევროპელი მომხმარებლებისთვის გამიზნული სპეციალურ Home Basic N და Premium N ვერსიებისა
- Windows XP-ს ყველა ვერსიაზე (როგორც 32 ასევე 64-ბიტიან)
- Server 2003-ზე
- ასევე არაოფიციალურად Windows 7 Ultimate-სა და Server 2008-ზე
ვირტუალურ კომპიუტერში სტუმარ (guest) სისტემებად შეგიძლიათ გამოიყენოთ ნებისმიერი ვინდოუზი დაწყებული 98-დან და IBM OS/2. ასევე დაფიქსირებულია მცდელობები ლინუქს დისტიბუტივების ინსტალაციისაც, მაგრამ ამის გაკეთებამდე გირჩევდით Google-თან კონსულტაციას :-)
ახალი Virtual PC 2007 SP1-ს ჩამოტვირთვას შეძლებთ მწარმოებლის საიტიდან:
32-ბიტიანი ვერსია 64-ბიტიანი ვერსია
ბეჭდვითი ვერსია | 02-03-2009, 20:53:00 | gearge
|
ეხ არავინაა ჩემი პასუხის ფგამცემი ამ შუაღამე :D:D:D:D:D:D