ჯერ არ გასულა 10 დღეც კი მას შემდეგ, რაც პირველი ინფორმაცია გაჩნდა AMD-ს ახალი სერიის პროცესორების შესახებ, რომლებიც Callisto ბირთვზე იქნებიან დაფუძნებული, რომ რესურსმა HKE PC-მ დეტალური ინფორმაცია გამოაქვეყნა. Callisto 2-ბირთვიანი პროცესორია და იგი 4-ბირთვიანი Deneb ბირთვისგან მიიღება იმავე მეთოდით, როგორც X3 Heka, ანუ ხდება 4 ბირთვიდან ორის გათიშვა.

HKE PC-ს ინფორმაციით, მაისის შუა რიცხვებში AMD ორ პროცესორს გამოუშვებს დესკტოპ სეგმენტისათვის - Phenom II X2 545-ს და Phenom II X2 550-ს, რომელბიც Socket AM3-ისთვის იქნებიან განკუთვნილი. რაც შეეხება სიხშირეებს, იგი პირველი მოდელისთვის 3.0 გჰც იქნება, ხოლო უფრო ძმისთვის - 3.1 გჰც. თითოეულ ბირთვს ექნება 512 კბ L2 დონის ქეშ მეხსიერება და საერთო 6 მბ L3 დონის ქეშ მეხსიერება. ენერგომოხმარების მაქსიმალური მაჩვენებელი ორივე პროცესორისთვის 85 ვატი იქნება.

საინტერესოა, იმუშავებს თუ არა დამატებითი ბირთვების ამუშავების მექანიზმი Callisto პროცესორებზეც, როგორც ეს X3 Heka-ზე მუშაობს? პროცესორის დამზადების მეთოდი იგივეა - თუ AMD-მ ძალით არ დახურა დამატებითი ორი ბირთვი, მაშინ ვინ იცის, შეიძლება ორი ბირთვის ფასად ოთხიც მიიღოთ :)

რაც შეეხება ფასებს, ჯერჯერობით მასზე ინფორმაცია არ ვრცელდება.

ბეჭდვითი ვერსია