კორპორაცია Intel-ი გეგმავს 29 მარტიდან ბაზარზე გაუშვას Xeon 5500 სერიის სერვერული პროცესორები, რომლებიც Nehalem არქიტექტურაზე არიან დაფუძნებულები (Nehalem EP) და 2-სოკეტიანი სერვერებისთვის არიან განკუთვნილი. Xeon 5500 სერიის პროცესორებს Core i7-ების მსგავსად გააჩნიათ QPI სისტემური სალტე, 3-არხიანი DDR3 ოპ. მეხსიერების მხარდაჭერა და ინტეგრირებული მეხსიერების კონტროლერი.

ჰანოვერში, CeBIT 2009-ზე, ისეთმა მწარმოებლებმა, როგორიცაა ASUSTeK Computer, Gigabyte, Micro-Star International (MSI) და Supermicro Computer, უკვე წარმოადგინეს Xeon 5500 სერიისთვის განკუთვნილი დედა დაფების თავიანთი ვერსიები. ყველა დედა დაფაზე გამოყენებულია ჩვენთვის უკვე კარგად ნაცნობი Socket LGA1366. დედა დაფები აგებულია Intel 5500 ჩიპსეტზე (IOH), ხოლო სამხრეთის ხიდის ფუნქციას ICH10R ასრულებს.

დანარჩენი დედა დაფების სურათების სანახავად დააჭირეთ სრულად-ს.

ბეჭდვითი ვერსია