არ გცალიათ სალოცავად?
ინტერნეტის გამოჩენამ ბევრი რამე გააადვილა. მაგალითად, შეიძლება რამდენიმე წკაპით ყველა შენს მეგობარს ანახო შენი ბოლო მოგზაურობის სურათები, ესაუბრო რამდენიმე ადამიანს ვიდეო-კონფერენციის რეჟიმით, აგზავნო ფოსტა, რომელიც 2-3 წამში მიდის დანიშნულების ადგილზე და ა.შ., ინტერნეტს ჩემი დაცვა ნამდვილად არ სჭირდება. თუმცა, აქვე საკმაოდ სასაცილო თუ სატირულ წამოწყებებსაც შეხვდებით. რას იტყოდით, ვინმეს რომ შემოეთავაზებინა, გარკვეული თანხის სანაცვლოდ შენს მაგივრად წავიკითხავო ლოცვებს?
მოკლედ, არსებობს წამოწყება, სახელად Information Age Prayer (ინფორმაციული ერის ლოცვა) , რომელიც მოუცლელ "მორწმუნეებს" სთავაზობს შემდეგ სერვისს: ყველთვიური შენატანის (შენატანის რაოდენობა დამოკიდებულია სხვადასხვა ფაქტორზე) სანაცვლოდ სპეციალური, ულტრა-თანამედროვე Text-to-Speech ძრავა წაიკითხავს თქვენს მიერ მიწოდებულ ლოცვას წინასწარ დადგენილი შუალედებით. ყველაზე საინტერესო - საიტზე გამოქვეყნებული განცხადება ირწმუნება, რომ ძრავის გამოცემული ხმა მაქსიმალურადაა მიმსგავსებული მლოცველი ადამიანის ხმას, ბაძავს რა მის ხმის ტემბრს და ლაპარაკის სისწრაფეს!
წამოწყების ავტორები მხოლოდ ქრისტიანებს არ გვახარებენ და მაჰმადიანურ და იუდაისტურ ლოცვებსაც გვთავაზობენ. და ეს ყველაფერი არაა, ნებისმიერ მომხმარებელს შეუძლია დაამატოს ახალი, თუნდაც საკუთარი ლოცვა, მანქანას მისი წაკითხვაც შეუძლია. ასევე, ითვალისწინებენ რა მსოფლიო ეკონომიკურ კრიზისს, ავტორები გვთავაზობენ სპეც. პაკეტს - შესაძლებელია ნახევარ ფასად შეუკვეთოთ ლოცვა ფინანსურად გაძლიერებისთვის! თუმცა "მხედველობაში იქონიეთ, რომ ეს ლოცვა ფინანსურ პასუხისმგებლობას არ აგაცილებთ!"
ბმულების ნაკრები ამჯერად ერთადერთი ბმულისგან შედგება:
Information Age Prayer : Home
ბეჭდვითი ვერსია | 20-03-2009, 21:23:00 | domen
|
|
სტატიის შეფასება |
ეს გვერდი უკვე შეაფასეს!
შეფასება: |
3 |
შეფასება: |
3.3 |
|
|
იმენა მაგარი დებილები არიან ვინც ეს მოიფიქრა მომავალი თაობა მთლად დაიგუპება