კაცობრიობის მამოძრავებელი ძალა... პროგრესი...
თქვენამდეც მოვიდოდა ინფორმაცია იმის შესახებ, თუ როგორ ცდილობენ მწარმოებლები თანამედროვე ტექნოლოგიების შექმნას, რომლებიც ნაკლებ ელექტროენერგიას მოიხმარენ. ეს ეხება როგორც პროცესორების მწარმოებლებს, ასევე ვიდეო დაფების, მონიტორების და ა.შ. - თითქმის ყველანაირ ინდუსტრიას, სადაც ახალი ტექნოლოგიების დანერგვაზე ზრუნავენ. სწორედ ამ მიზეზის გამო საკმაო პოპულარობა მოიპოვეს LED ნათურებმა (ჩვენში უფრო ე.წ. "დღის განათების ნათურების" სახელით არიან ცნობილი). LED ნათურები სტანდარტულ ვარვარის ძაფიან ნათურებთან შედარებით მცირე ენერგია მოიხმარენ და ამავდროულად, უზრუნველყოფენ კონკურენტის დონის განათებას.

ამ კარგი თვისების გამო LED ნათურებმა ავტოინდუსტრიაშიც შეაღწიადა იქ Xenon-ის განათებებს უწევს კონკურენციას (მაგ: ახალი Audi A8 მთლიანად LED განათებითაა გაწყობილი). LED-ები ფართოდ გამოიყენება სახლის პირობებშიც. ამჯერად სწორედ ჩვენი სახლებისთვის გვაქვს საკმაოდ საინტერესო სიახლე.

კომპანია C. Crane Company-მ სულ ცოტა ხნის წინ წარმოებაში ჩაუშვა ახალი LED ნათურა, რომელიც კომპანიის პრეზიდენტის განცხადებით 3 წლის განმავლობაში იქმნებოდა. პროდუქტის სრული სახელია GeoBulb™ LED Light Bulb.

ჩვენი GeoBulb-ი უზრუნველყოფს ისეთივე განათებას, როგორსაც 60 ვატიანი სტანდარტული ვარვარის ძაფიანი ნათურა და რაც ყველაზე საინტერესოა, ამას იგი მხოლოდ 7.5 ვატი ელექტროენერგიის გამოყენებით ახერხებს. GeoBulb-ის სიცოცხლის ხანგრძლივობა 30000 საათია (~10 წელიწადი) სტანდარტული გამოყენებისას (დღეში 8 საათი), რაც ასევე რეკორდული მაჩვენებელია.

ახალი ნათურა, ცხადია, ძალიან მოეწონება ყველას, განსაკუთრებით, ე.წ. მწვანეებს :-) ახლა კი, მივედით ყველაზე რთულ ეტაპამდე - GeoBulb-ი გამოდის სამ ვარიანტში - ცივი, ნაზი და თბილი თეთრი განათების ფერებში, მისი საცალო ფასი კი 119.95 (!) მარადმწვანე ამერიკელი პრეზიდენტია. თუ ერდროულად 6 ან მეტ ნათურას შეიძენთ, მაშინ თითოეულის ფასი 113.95 დოლარი იქნება.

ლინკები:

GeoBulb-ის ოფიციალური საიტი

მაღაზია, სადაც GeoBulb-ის შეძენა შეგიძლიათ

ბეჭდვითი ვერსია