პირველი ლორენი იყო, გოგონა, რომელმაც MacBook-ს HP-ს ლეპტოპი არჩია და მილიონობით იუზერს თავი შეაყვარა. მეორე რეკლამაში ახალგაზრდა ინჟინერი, ჯიამპაოლო ვიხილეთ რომელმაც MacBook Pro-ს ასევე HP-ს ნოუთბუქი ამჯობინა. ორი დღის წინ კი Microsoft-მა მესამე ანტი-Apple რეკლამა გაუშვა ქსელში, რომელშიც აშკარადაა ხაზგასმული Apple-ის მაღალი ფასები პროდუქციაზე.

ამჯერად, ახალი რეკლამის მთავარ გმირს, ლიზას, მიეცა 1500 ამერიკული მარადმწვანე კომპიუტერის საყიდლად. ლიზა Best Buy-ს მაღაზიაში შვილთან, ჯექსონთან ერთად მივიდა. თავდაპირველად, დედა-შვილმა Apple-ის ლეპტოპებს მიაკითხეს, თუმცა, მიუხედავად იმისა, რომ ლიზას გარეგნულად საკმაოდ მოეწონა "ვაშლის ლეპტოპი," პატარა ჯექსონმა განაცხადა: "ისინი ძალიან პატარები არიან!". "და გაცილებით ძვირიც ღირს," - უპასუხა დედამ.

დედა-შვილი

დედა-შვილმა დაათვალიერა სხვა ლეპტოპებიც, მაგრამ ამჟერად არჩევანი HP-ზე არ შეჩერებულა. ლიზამ Sony VAIO FW აარჩია, Blu-Ray-ს მხარდაჭერით. ჯექსონიც კმაყოფილი დარჩა შენაძენით.

Sony VAIO FW, რომელიც ლიზამ შეიძინა, Best Buy-ზე 899 დოლარი ღირს და საშუალო დონის ტექნოლოგიური მახასიათებლები აქვს. ლეპტოპი აღჭურვილია Intel Core 2 Duo T6400 პროცესორით, Intel Graphics Media Accelerator 4500MHD ვიდეო ადაპტერით, 4 GB ოპ. მეხსიერებითა და XBRITE-HiColor 16.4" 1600 x 900 მონიტორით. ლეპტოპის წონა დაახლოებით 2.7 კილოგრამია. ბატარეის ავტონომიურ რეჟიმში მუშაობის საშუალო ხანგრძლივობა კი, საშუალოდ 3 საათამდეა.

ლეპტოპი ვიყიდეთ, ფულიც ბევრი დაგვრჩა :-)

ახალი რეკლამა ანალიტიკოსებმა შედარებით უკეთესად მიიღეს, ვიდრე მეორე, რომელშიც ჯიამპაოლო მონაწილეობდა. ვნახოთ, როგორ გაგრძელდება რეკლამების სერია. ექსპერტები თვლიან, რომ მაიკროსოფტი ნაკლებად აგრესიულია.

ახალი რეკლამა ტრადიციულად, შეგიძლიათ YouTube-ზე იხილოთ.

ბეჭდვითი ვერსია