როგორც ვიცით, MS ყველაფერს აკეთებს იმისთვის, რომ Windows 7-ზე გადასვლა მომხმარებლებისთვის რაც შეიძლება კომფორტული იყოს. სულ ცოტა ხნის წინ გამოშვებული Windows 7 Upgrade Advisor ამ მიმართულებით შექმნილი კიდევ ერთი უტილიტაა, ის შეამოწმებს თქვენს კომპიუტერს Win7-ის მინიმალურ Hard მოთხოვნებზე, თითოეული მოწყობილობის და პროგრამის თავსებადობაზე და შესაძლო პრობლემების და მათი გადაჭრის გზების შესახებ გაცნობებთ.

Windows 7 Upgrade Advisor სასიამოვნოდ შეფუთული და გაფორმებული პროგრამაა, გათვლილი უბრალო მომხმარებლებზე, ზედმეტი ტექნიკური ინფორმაციის გარეშე.

ჯერჯერობით პროგრამა ბეტა სტადიაში იმყოფება, მაგრამ მისი მოხმარება თავისუფლადაა შესაძლებელი (ისევე, როგორც Win7 Beta-სი). უცნაურია, მაგრამ პროგრამა ვრცელდება საინსტალაციოს სახით და არა დამოუკიდებელი გამშვებისა. ჩამოტვირთვა შესაძლებელია microsoft.com-იდან.

ბეჭდვითი ვერსია