გამოვიდა Skype-ის ახალი, 4.1 ვერსიის ბეტა, რომელიც იმდენად საიტერესო განახლებას გვთავაზობს, რომ მისი ყურადღების გარეშე დატოვება არ შეიძლება. ამ ვერსიიდან სკაიპს შეუძლია მოსაუბრესთან თქვენი ეკრანის გაზიარება (Screen Sharing), იგივე ფუნქცია, რომელიც ამდენხანს მხოლოდ Remote Desktop კატეგორიის სოფტში (Radmin, TeamViewer) იყო მისაწვდომი.

მეთოდი მარტივია: სკაიპ კონტაქტებში ირჩევთ ერთ-ერთს, რომელიც ასევე v4.1 Beta-ს იყენებს > მარჯვენა კლიკი ამ კონტაქტზე > კონტექსტური მენიუდან ირჩევთ Share Your Screen > ირჩევთ სრული ეკრანის ან მისი ნაწილის გაშეარებას. ამის შემდეგ სკაიპი ურეკავს ამ კონტაქტს ვიდეო ზარით და ვებკამერის გამოსახულების ნაცვლად თქვენი ეკრანის მიმდინარე გამოსახულებას აჩვენებს.

აღსანიშნავია, რომ ამ მეთოდით შეუძლებელია მოსაუბრის კომპის კონტროლი, მხოლოდ დაკვირვებაა შესაძლებელი. ისიც უნდა აღინიშნოს, რომ ეს შესაძლებლობა უკვე კარგა ხანია მისაწვდომია სკაიპის Mac-ური ვარიანტის (v2.8) Beta-ში.

სხვა ახალი ფუნქციები მოიცავენ დაბადების დღის შემხსენებელს (Birthday Notifications), კონტაქტების იმპორტირება სხვადასხვა სერვისიდან (Gmail, Yahoo!, Hotmail, MSN, LinkedIn, Mail.ru და ა.შ.) და მოსაუბრისთვის კონტაქტების გაგზავნის ფუნქციას (პრინციპში ეს ფუნქცია დაბრუნდა, წინა ვერსიიდან ის რატომღაც ამოიღეს).

Skype v4.1 Beta-ს ჩამოტვირთვა შეგიძლიათ აქიდან, ოფიციალური ანონსი კი აქ შეგიძლიათ იხილოთ.

ბეჭდვითი ვერსია