როგორც ვწერდით, Win7-ის შესახებ მხოლოდ ფასთა სქემა რჩებოდა გაურკვეველი და სულ ცოტა ხნის წინ მასაც ნათელი მოეფინა. Engadget-ელებმა გამოაქვეყნეს ძალიან საინტერესო ჩანაწერის სკრინი, რომელიც დაწერილია Best Buy-ს თანამშრომლის მიერ და ეხება კომპანიის Windows 7-ის სხვადასხვა ვერსიების გაყიდვის სტრატეგიას.

თუ ამ სურათის მიხედვით ვიმსჯელებთ, Windows 7 დაუჯერებლად დაბალ ფასებში გაიყიდება, 26 ივნისიდან Best Buy თავის მომხმარებლებს შესთავაზებ Win7-ის Vista-დან Win7-ზე განახლების (upgrade) წინასწარ ყიდვას, Home Premium ვერსიის ფასი იქნება $49.99 (იგივე განახლება XP-დან Vista-ზე $129.95 ღირდა), Professional-ის კი - $99.99 (Vista-ზე იყო $199.95). ეს კი 50-60%-იანი კლებაა.

Long Zheng-მა istartedsomething-იდან გამოთვალა Win7 Retail-ის ფასები Vista-ს განახლების და Retail ფასების მიხედვით და ამ გამოთვლებით (თუ Win7-ის განახლების და Retail ფასებს შორის იგივე პროპორცია იქნა, რაც Vista-სი) Home Premium $99.99 უნდა ღირდეს (იგივე Vista ღირდა $269.99), Professional კი - $149 (Vista - $299).

ჩანაწერში ასევე მითითებულია, რომ 26 ივნისიდან 22 ოქტომბრამდე (Win7-ის გაშვების დღე) Best Buy-ში კომპის ყიდვისას მყიდველები უფასოდ მიიღებენ ოპერაციული სისტემის კოპიას, სავარაუდოდ, Home Premium ვერსიას.

რაღა ვთქვათ - ვაჰ!

ბეჭდვითი ვერსია