წლების განმავლობაში სხვადასხვა მეთოდებით Intel-ი და AMD ერთმანეთს ებრძვიან. მეთოდები სხვადასხვა იყო - დარყებული წმინდა მარკეტინგული სვლებით, დამთავრებული სიხშირისა და წარმადობის ომებით. დღესდღეობით კი განსაკუთრებით პოპულარული აჩქარების, ოვერქლოქინგის ფრონტზე ბრძოლაა. სწორედ ამიტომ, AMD-მ ახალი პროცესორი გამოუშვა, სახელად - Phenom TWKR. საინტერესო ისაა, რომ ეს ჩიპები არ გაიყიდება. იგი მხოლოდ 100 ეგზემპლარი არსებობს და უკვე დაურიგდათ სხვადასხვა ტესტ ლაბორატორიებსა და წამყვან ოვერქლოქერებს.

მოკლედ, ახალი ოთხბირთვიანი პროცესორის სრული სახელია Phenom II 42 TWKR Black Edition. იგი მუშაობს 2.0 გჰც სიხშირეზე ("42" სწორედ ამას აღნიშნავს). AMD-ს განცხადებით, ახალი პროცესორის აჩქარების პოტენციალი დაახლოებით 100 მჰც-ით მეტია Phenom II X4 955 Black Edition-თან შედარებით. ექსტრემალური გაგრილებისას კი სხვაობა 200 მჰც-მდე იზრდება. აბრევიატურა TWKR-ის ქვეშ იგულისხმება, რომ პროცესორი განკუთვნილია მათთვის, ვინც იცის, როგორ უნდა მოექცეს მას :-) მისი მუშაობა ჰაერის ან წყლის გაგრილების ქვეშ მფლობელს ავტომატურად ციფრული ჯოჯოხეთის გზას გაუყენებს. Phenom II 42 TWKR Black Edition-ის მუშაობა დაშვებულია მხოლოდ თხევადი აზოტისა და ჰელიუმის გამოყენებით.

დანარჩენისთვის დააჭირეთ სრულად-ს.

ასე გამოიყურება ახალი პროცესორი CPU-Z-ში

უკვე არსებობს Phenom II 42 TWKR-ით მიღწეული შდეგებიც. თხევადი ჰელიუმით მისი აჩქარება 6.89 გჰც-მდე მოხერხდა, თხევად აზოტზე კი არანაკლებ მიმზიდველი, 6.6 გჰც იქნა მიღწეული.

შედეგი თხევად აზოტზე

აქვე გთავაზობთ ვიდეო კლიპს, რომელშიც წამყვანი ოვერქლოქერები იღებენ მონაწილეობას. ვიდეოში ნახავთ საოცნებო აპარატურას, ოხრად თხევად აზოტსა და ჰელიუმს, ტუბებს და ა.შ. მოკლედ, წარმოგიდგენთ კლიპს:

ბეჭდვითი ვერსია