"კიბერ ბაიტების" მთელი სამყარო და ნაწილობრივ უბრალო მომხმარებლებიც მასიურად გადადიან Firefox-ზე, ამ ბრაუზერმა უკვე მოიპოვა პირველობა ანტარქტიდაზე და ევროპაში, მსოფლიო ბრაუზერების ბაზრის მესამედი უკავია, ჰყავს ენთუზიასტების უზარმაზარი საზოგადოება და, ერთი სიტყვით, ეს ბრაუზერი ყოველდღიურად უფრო ვითარდება და ძალებს იკრებს. ამ მოვლენების ლოგიკური, მაგრამ მაინც უცნაური და სახალისო გაგრძელება შეადგინა დღეს გამართულმა რიგითმა შეხვედრამ ა.შ.შ.-ის სახელმწიფო მდივანს, ჰილარი კლინტონსა და საგარეო საქმეთა სამინისტროს თანამშრომლებს შორის.

ტრადიციული ბლა-ბლას შემდეგ (რომელიც ასე ახასიათებთ სახელმწიფო მოხელეებს) დადგა შეკითხვების დრო და აი აქ მოხდა ჩვენთვის საყურადღებო ფაქტი - ერთ-ერთმა თანამშრომელმა დანარჩენების სახელით წაიკითხა მიმართვა, რომელშიც მოითხოვა Firefox-ის დანერგვა დეპარტამენტში :-)

აი, გამოსვლის ვიდეო ჩანაწერიც, გადაახვიეთ 26:32-ზე, თუ პოლიტიკოსთა გამოსვლების მოყვარული არ ხართ :-)

თუმცა ამ ენთუზიასტმა თანამშრომლებმა უარი მიიღეს და სამართლიანადაც - მთელი სამინისტროს FF-ზე გადაყვანა ნამდვილად დიდ ხარჯებთან და გართულებებთანაა დაკავშირებული. სამაგიეროდ ჰილარი დაპირდა თანამშრომლებს, რომ "გააგრძელებს ამ მიმართულებით აქტიურ მუშაობას". მგონი, ა.შ.შ.-ის საგარეო საქმეთა სამინისტრო კიდევ დიდხანს იქნება MS-ის ტყვეობაში :-)

ბეჭდვითი ვერსია