როგორც ცნობილია, Intel-ის ახალი ჰაი-ენდ პროცესორები, რომლებიც Core i9 სახელს მიიღებენ, 2010 წლის მეორე კვარტალში გამოვლენ ბაზარზე. ახალი პროცესორები ბაზირებული იქნება Gulftown ბირთვზე და აღჭუვილი იქნებიან 6 ბირთვით. დიახ, და ეს ყველაფერი დესკტოპ პროცესორს ეხება. რამდენიმე დღის წინ აღნიშნული პროცესორების ოფიციალური სლაიდიც გამოჩნდა Intel-ისგან. აღნიშნული სლაიდი ნაჩვენები იქნა Masters Overclocking Arena-ზეც, ასე რომ, მისი ნამდვილობა ეჭვგარეშეა.

აღსანიშნავია, რომ ახალ პროცესორებს Core i9 სახელწოდება ჯერჯერობით არ მიუღიათ. Gulftown პროცესორები პირველი იქნება, რომლებიც სრულად 32 ნმ ტექნოპროცესით დამზადდება. Clarkdale პროცესორების "ჩიპსეტური ნაწილი" 45 ნმ ტექნოპროცესით იქნება დამზადებული. ახალი 6 ბირთვიანი პროცესორები თავსებადი იქნებიან უკვე არსებულ X58 ჩიპსეტზე აწყობილ დედა დაფებთანაც.

აღსანიშნავია, რომ Intel-მა შეძლო, პროცესორის მაქსიმალური ენერგომოხმარება, TDP 130 ვატამდე შეენარჩუნებინა. Core i9 პროცესორებს შეუნარჩუნდებათ ყველა იმ ტექნოლოგიის მხარდაჭერაც, რაც Core i7-ებს აქვთ, მათ შორის, Hyper-Threading-ისა და Turbo Boost-ის. პირველი Core i9 პროცესორები Extreme Edition კასტაში გაერთიანდებიან. მათი "გამეინსტრიმება," სავარაუდოდ, მოგვიანებით მოხდება.

ბეჭდვითი ვერსია