ნათლად ჩანს, რომ პარასკევ დღეს ავტორს 3 საათზე ცოტა მეტი გაუტარებია ინტერნეტში, აქიდან 2,5 – Firefox–ით, დანარჩენი კი – IE–თი. შესაძლებელია ინტერნეტში ყოფნის ხანგრძლივობაზე დღეებით მიხედვით დაკვირვებაც.

ეს სურათი ManicTime–ის კიდევ ერთ შესაძლებლობას ავლენს – დააკვირდით ხაზს Browsing - მასში გაერთიანებულია ის პროგრამები, რომლებიც ინტერნეტში გასასვლელად გამოიყენება (IE და FF, ამ შემთხვევაში) და მათი გამოყენების ჯამური ხანგრძლივობა გამოისახება, როგორც ინტერნეტში გატარებული დრო. შესაძლებელია Skype, Yahoo Messenger, AIM, Pidgin, Digsby და სხვები გაგვეერთიანებინა ერთ ჯგუფში და ამ ჯგუფისთვის "ჩატაობა" (ან, უფრო საქმიანად – "კომუნიკაცია") დაგვერქმია. ასე ვნახავდით, რამდენ დროს ვხარჯავთ IM–ებში.

ასევე შეიძლება გააერთიანოთ ის პროგრამები, რომლებსაც იყენებთ რაიმე კონკრეტული სამუშაოს შესასრულებლად (მაგალითად, დიზაინერი გააერთიანებდა photoShop–ს, 3D Max–ს და სხვა მისთვის საჭირო პროგრამებს) და შესაძლებლობა მოგეცემათ თვალყური ადევნოთ, თუ რა დროს უთმობთ სამუშაოს შშესრულებას, შეიძლება ყველა თამაში გააერთიანოთ ჯგუფში "თამაშები" და ნახოთ, რა დრო გეხარჯებათ თამაშზე ..

მოკლედ, ManicTime უნივერსალური თუ არა, ძალიან მოსახერხებელი და ამავდროულად, სრულიად უფასო პროგრამაა, რომელიც საშუალებას მოგცემთ, აკონტროლოთ თქვენი კომპიუტერთან გატარებული დრო. პირადად თვეზე მეტია ვიყენებ ამ პროგრამას და გეტყვით, რომ ხანდახან ამ ინფორმაციის ქონა ძალიან მოსახერხებელია.

[ინფორმაცია პარანოიდებისთვის] რაც მთავარია, ManicTime არ ითხოვს ინტერნეტში გასვლას და არ გაძალებთ თქვენი მონაცემების სერვერზე შენახვას (როგორც, მაგალითად, Wakoopa), ყველაფერი ხდება და რჩება თქვენს კომპში.

ManicTime (მიმდინარე ვერსიაა 1.2.1) შეგიძლიათ გადმოიწეროთ ამ მისამართიდან. ოფიციალური ვებ–გვერდი კი აქ შეგიძლიათ მოინახულოთ.

მისაწვდომია რამდენიმე დეტალური ვიდეო–ტუტორიალიც.