ძმანო IEღოველნო, დადგა ჟამი, ოდეს ვეღარ გვეტყვიან მოციქულნი ისინი, ეშმაკისანი - ცეცხლკუდა მელია (FireFox), პოსტსაბჭოეთის ფავორიტი (Opera), გუგულის ფსეფდო შვილი (Chrome) და დამპალი ვაშლის ყუნწი (Safari), უგვანსა სიტყვას, ვითარცა: ჯავაი სკრიპტი თქვენი ზანტ არს და დონდლო, ვერა სცნობთ ესპერანტოს (სტანდარტები არ გესმითო, ე.ი.), ტვინსა სტ&%^&*თ (ოპ. მეხსიერებას იყენებთ ბევრსო, ე.ი.) და სხუა და სხუა ბრალდებანი იგი ეშმაკეულნი.

შესავალი გვეყო - Internet Explorer 9 მოდის!

IE 9 პრაქტიკულად 0-დან იწერება, ახალი რენდერინგის ძრავებით, ახალი რევოლუციური ტექნოლოგიების მხარდაჭერით! მოკლედ, როგორც ზემოთ ვთქვი, "მოციქულთა ეშმაკისასა" კარგი დღე არ ელით.

პირველი, რაც ყველას გაუხარდება, MS-ი აპირებს IE9 სტანდარტებთან სრულად თავსებადი გახადოს. IE9-ს ექნება HTML5, CSS3, SVG, XHTML და H.264/MPEG4 HTML5 ვიდეოს სრულყოფილი მხარდაჭერა.

ესეც ვიდეო-ინტერვიუ სტანდარტებისა და თავსებადობების შესახებ (ვიდეო ფაილის სანახავად დაგჭირდებათ Microsoft Silverlight-ის ინსტალაცია):

იგივე ვიდეოს ლინკი: http://channel9.msdn.com/posts/Charles/IE-...teroperability/

0-დანაა დაწერილი JavaScript ძრავი, სახელად "Chakra". რაც ყველაზე "მაგრად ასწორებს" Chakra მრავალნაკადიანი ძრავია, ანუ სრულად გამოიყენებს ჩვენი ახალ-ახალი 4 და მეტბირთვიანი პროცესორების სიმძლავრეებს.

დანარჩენი, უფრო მეტად საინტერესო ინფორმაციის სანახავად, დააჭირეთ სრულად-ს.

ლინკი იმავე ვიდეოზე: http://channel9.msdn.com/posts/Charles/IE-...-new-JS-Engine/

ახალი ძრავი სწრაფია, ძალიან სწრაფია! პრაქტიკულად, უკვე მიღწეულია "ეშმაკის ფეხების" დონის წარმადობა.

და კიდევ ერთი და რევოლუციური ტექნოლოგია - რენდერინგი GPU-ს ძალებით!

IE 9-ში ვებ-გვერდზე არსებული კონტენტის რენდერინგისთვის ვიდეო დაფის სიმძლავრეების გამოყენება იქნება შესაძლებელი. შედეგად, მიიღება საოცრად "რბილი" და სწრაფი სამუშაო გარემო და უმაღლესი დონის რენდერინგის ხარისხი. ვიდეო დაფის სიმძლავრეების გამოყენება DirectX-ში ჩაყოლებული ტექნოლოგიის D2D-ს საშუალებით ხდება.

ვიდეო რენდერინგის საპრეზენტაციო ვიდეო:

ლინკი იმავე ვიდეოზე: http://channel9.msdn.com/posts/Charles/IE-...e-GPU-with-D2D/

გთავაზობთ დამატებით რესურსებს Internet Explorer 9-ის შესახებ:

აქაა IE 9-ს პრეზენტაცია Professional Developers Conference 2009-ზე: http://microsoftpdc.com/Sessions/KEY02
IE9-ის შესახებ სტივენ სიფოსკი საუბარს იწყებს მიახლოებით მე-40 წუთიდან. + ყველა ახალი ტექნოლოგიის და შესაძლობის პრეზენტაციასაც ახდენს.

აქ კი მცირე შემაჯამებელ მიმოხილვას ნახავთ, IE9-ს შესახებ, ბენჩმარკების სურათებით, შედეგებით და ა.შ: http://blogs.msdn.com/ie/archive/2009/11/1...developers.aspx

ესეც ტესტირებების სურათები:

Apple Webkit

ე.წ. "მომრგვალებული" საზღვრების ტესტი:



CSS ტესტი

ესეც AnandTech-ის მცირე მიმოხილვა: http://www.anandtech.com/tradeshows/showdoc.aspx?i=3771

ეს კი Microsoft-ის ახალი ტესტ-ნაკრები ბროუზერებისთვის: http://ie.microsoft.com/testdrive/

ასევე, შეგიძლიათ შემოგვიერთდეთ კომპინფოს ფორუმზე, სპეციალურად Internet Explorer 9-სადმი მიძღვნილ თემაში.

ბეჭდვითი ვერსია