კვანძი
საინტერესო ამით დამთავრდა, რა თქმა უნდა ჩვენმა ბევრმა კოლეგამ ბევრი ვერაფერი გაიგო (ზოგმა საერთოდ ვერაფერი გაიგო, რა SP2-ი, რის LIP-ი, რის ვალიდაცია? რეებს ბაზრობენ ესენი ჰააა) და გადაწყვიტა, რომ მისთვის პრესკონფერენცია დასრულდა, ასე რომ აღმოჩნდა ბოლო კითხვების დასმისას ნელნელა დარბაზი დაიცალა :-). საინტერესო იყო ერთერთი ტელევიზიის გამოჩენა, შემოახედა კამერა კარებში, და უცებ გაიქცა, შემდეგ ყველა არხმა აჩვენა ჩატარებული  ღონისძიება, ამ ერთი არხის გარდა. ან ძალიან ცოტა გადაიღეს კარებიდან, ან საინტერესოდ არ ჩათვალეს. სამაგიეროდ იმ დღეს ამ კამერაშემოჭყეტილ ტელევიზიამ მთავარ საინფორმაციო გამოშვებაში 7 სხვადასხვა მკვლელობის შესახებ მოყვა (მოკლედ ტელევიზიები და საინფორმაციო გამოშვებები კი არა მორგის და სასაფლაოს მიმოხილვები გადის ტელევიზიაში), რა თქმა უნდა მკვლელობა უფრო რეიტინგული საქმეა ვიდრე რაღაც Windows-ის სისტემის გაქართულება :-).

შედეგები
საერთო ჯამში უნდა ითქვას რომ ბევრისთვის ახალი სისტემა მიუღებელი იქნება, აქ იმოქმედებს ტერმინების მიუღებლობის ფაქტორი, საკუთარი თავის წარმოჩენის ფაქტორი და სხვა, ალბათ გამოცდილი მომხმარებლების ძირითადი ბირთვი ისევ ინგლისურ ენოვან ვერსიაზე დარჩება, ქართული ვერსია კი მისაღები იქნება მათთვის ვისაც პირველი ნაბიჯები აქვს კომპიუტერულ სამყაროში გასავლელი და მათთვის ვინც საკმაოდ მწყრალადაა ინგლისურ და რუსულ ინტერფეისთან. სხვათაშორის ამ მომხმარებლებს შეემატებათ შედარებით ხანში შესული ხალხიც, მათთვისაც ახალი ტერმინების ათვისება გარკვეულ სირთულეს წარმოადგენს, აქ კი ქართული ინტერფეისი ჩნდება, რიდესაც ინგლისური არ გესმის და რუსულს ვერ გაუგე ვერაფერი, ქართული სიტყვა რაც არ უნდა ყურში მოსახვედრი იყოს, მაინც მისაღები ხდება. განსაკუთრებით აქტუალური ხდება ეს სისტემა რეგიონებისთვის. ნუ მოვატყუებთ საკუთარ თავს და ვაღიაროთ რეგიონებში რუსულის სწავლებაც კი საკმაოდ მწირედ მიმდინარეობს, რაღა ვთქვათ ინგლისურ ენაზე. ასე, რომ ქართული ინტერფეისი მათთვის ზედგამოჭრილი იქნება.

ასევე გავიხსენოთ სხვა ქვეყნები, თუნდაც იგივე რუსეთი, თავის დროზე ტერმინები ბევრისთვის იმდენად მიუღებელი იყო რომ სადემონსტრაციოდ საერთო შლიდნენ სისტემას კომპიუტერიდან, ყველგან ანტირეკლამას უწევდნენ და მხოლოდ ინგლისურენოვანი ვერსია მიაჩნდათ გამოსავლად, მაგრამ გავიდა ათწლეულები და დღევანდელი რუსული მომხმარებლებისთვის ეს ჩვეულებრივი და ზოგიერთ შემთხვევაში აუცილებელი ინტერფეისია. ასე რომ ჩვენთან ეს საქმე უბრალოდ გვიან დაიწყო, თორემ იგივე ეტაპები გვექნება გასავლელ, თავიდან ბევრი ვერ გაუგებს, არ მიიღებს, გავა წლები და სავსებით ჩვეულებრივი, მისაღები და საჭირო პაკეტი გახდება.
უბრალოდ ცოდოა ის კომპანია, რომელიც ამ ქარცეცხლში მოხდება, საქართველოს მაშტაბით ეს კომპანია UGT იქნება, ალბათ არა ერთ წამოძახილს და გაუმართლებელ საყვედურს მიიღებს, მაგრამ ეს საქმე ოდესღაც და ვიღაცის მიერ დასაწყები იყო, ანდაზა ამბობს, სჯობს გვიან ვიდრე არასდროსო.