სპეციფიკაციები

ჩვენი მოდელი შედგება შემდეგი შიგნეულობისგან:

ამ ყველაფრის შემხედვარე ერთადერთი გასარჩევი თვითონ კომპიუტერი რჩება, რომელიც გარეგნულად გაუგებარ შეგრძნებას იწვევს, საკმაოდ მოხერხებული და კომპაქტური შესახედავია როდესაც დახურულია და საკმაოდ ღარიბი გაფორმებაა როდესაც ნოუთი გახსნილია. ყველაფერი ძალიან მკაცრი და მარტივია, ამ სიმარტივეს შეეწირა ტაჩპედიც, რომელიც საკმაოდ დიდი რეზინის ღილაკებითაა აღჭურვილი. მოკლედ ამ კომპიუტერისგან ფოტო მოდელს ვერ მიიღებთ სამაგიეროდ ეს ძალიან იაფიანი (უცხოური შეფასებით) ბიზნეს კლასის მკაცრი სტილის, სუპერ მუშა და გამძლე კომპიუტერია. დროა უფრო დეტალურ შეფასებაზე გადავიდეთ.

თავსახურავი და კლავიატურა

ნოუთბუქი იხურება კლასიკური ჩასაკეტით, არანაირი განსაკუთრებული სირთულე და გაფორმება, ყველაფერი საუცხოოდ მოხერხებული და გათვლილია, პატარა ჩამკეტის გაწევა და თავსახურავი აწეულია.  შიგნით დამატებითი ერთერთი ფუნქციონალური ღიალკია, ეს არის საყოველთაოდ ცნობილი Wi-Fi–ს ღილაკი, დაჭერისას აქტიურდება და ლურჯად ანათებს, შესაბამისი ინდიკატორი ინთება კომპიუტერის წინა მხარესაც, სხვათაშორის ისევ ლურჯად, რომ გამორჩეული იყოს კვებისა თუ დისკის მუშაობის ინდიკატორისგან, ავტონომიურ კვებაზე მუშაობისას ამ მოდულს საკმაოდ დიდი ენერგია მიაქვს, ასე რომ განსხვავებული ფერით გამოყოფა კარგადაა მოხერხებული, უმალ თვალში მოგხვდება.

შიგნით გვხვდება კლავიატურა, რომელიც საკმაოდ კარგადაა განთავსებული. სასიამოვნოდ არის  გამოყოფილი ისრების ღილაკები და საკმაოდ მოზრდილი Shift ღილაკი.

მანიპულატორი

ნოუთბუქში რა თქმა უნდა არის Touchpad –ი, მას აქვს ერთი დამატებითი პლიუსი, გააჩნია ვერტიკალური გადახვევის განყოფილება, რომელიც ცვლის თაგვის Scroll-ს, საკმაოდ მოსახერხებელია როდესაც რაღაც შასაფურცლია, აღარ გიწევს წვალება. საკმაოდ უხეშად გხვდება თვალში დიდი რეზინის ღილაკები, რომლებიც თაგვის მარჯვენა და მარცხენა ღილაკის ფუნქციებს ითავსებენ. ალბათ შეიძლებოდა რაიმე შედარეთ პატარის და ლამაზის მოფიქრება, მაგრამ მხოლოდ ეს ერთი დეტალი კომპიუტერის მთლიან ხედს ვერ აფუჭებს.

პორტები განყოფილებები

ნოუთბუქს გააჩნია ძირითადი სტანდარტული პორტები რომლებიც მარცხენა მხარეზეა განთავსებული, აქ შედის 2 ცალი USB პორტი, VGA პორტი მონიტორის, ან პროექტორის მისაერთებლად RJ-45 და RJ-11,  IEEE 1394a და რა თქმა უნდა PCMCIA სლოტი თავისი პლასტმასის დამხშობებით.  აქვეა ქულერის გამომუშავებული თბილი ჰაერის გამოსატანი ხვრელი.

მარჯვენა მხარეს ნოუთბუქს აქვს DVD-CDRW  და აუდიო კონექტორები, მიკროფინისთვის და ყურსასმენებისთვის.  თვითონ ინტეგრირებული დინამიკები ნოუთბუქს წინა მხარეზე აქვს განთავსებული. რა თქმა უნდა ბასებით და საბ-ბუფერის შესაძლებლობით არ გამოირჩევა, მაგრამ საკმაოდ ძლიერია იმისათვის რომ მოუსმინოთ მუსიკას, ან თავისუფლად უყუროთ ფილმს.  პრაქტიკულად არაფრით არ ჩამოუვარდება სამაგიდო კომპიუტერის პატარა პასუირ დინამიკებს.

უკანა მხარეზე კომპიუტერს აქვს მხოლოდ კვების შესაერთებელი განყოფილება, დანარჩენი აქ არაფერია, იმიტომ რომ კომპიუტერის აკუმულატორი (4400 მა/ს მისი მეშვეობით კომპიუტეტრს ავტონომიურ რეჟიმში ლამის ოთხი საათი შეუძლია მუშაობა) სწორედ უკანაა განთავსებული, აკუმულატორზე პორტების განთავსება კი როგორც ხვდებით გაუმართლებელი იქნებოდა.

თუ ნოუთბუქს გადმოატრიალებთ აღმოაჩენთ განყოფილებებს მეხეიერებისთვის და ვინჩესტერისთვის, აქედანვე შეიძლება პროცესორთან  და mini-PCI სლოტთან წვდომა.

გადავედით აპარატურის განხილვაზე, ნოუთბუქი აპარატურული შესაძლებლობები გადატვირთული არ არის, მაგრამ არ სიმცირე იჩენს თავს.

პროცესორი

პროცესორი გასაგებია რომ intel-ისაა, სხვათაშორის ჩვენი მოდელი აღჭურვილია 1.73 გიგაჰერციანი Pentium M-ით, მაგრამ nx6110 შეიძლება აღჭურვილი იყოს 1.4 გიგაჰერციანი Celeron M-იდან დაწყებული Pentium M 1.86 გიგაჰერცით დამთავრებული. მოკლედ ვარიაციები ბევრია. სხვათაშორის უნდა აღინიშნოს რომ Celeron M-ის ბაზაზე აწყობილი კომპიუტერი შედარებით ნაკლებ დროს მუშაობს ავტონომიურ კვებაზე. ასე რომ გირჩევთ Pemtium M-ის ბაზაზე აიღოთ ეს კომპიუტერი. თუმცა ფასის გამო შეიძლება ბევრმა სწორედ Celeron-ის მოდელი აირჩიონ. რამდენიმე წუთი ავტონომიური რეჟიმი ასეულ დოლარით გაიაფების დროს აქტუალურობას კარგავს.

ჩიფსეტი

როგორც უკვე ავღნიშნეთ ნოუთბუქი შეიძლება გამოშვებული იყოს Intel - i910GML–ის ან Intel 915GM–ის ბაზაზე, პირველის შემთხვევაში პრაქტიკულად ვიღებთ 400 მეგაჰერციან სისტემურ სალტეს, და ერთარხიან მეხსიერების კონტროლერს, ეს ვარიანტი მისაღებია Celeron M-ის ბაზაზე აწყობილ ნოუთბუქებში, Pentium M-ის შემთხვევაში გვაქვს Intel 915GM–ის ჩიფსეტზე აწყობილი სისტემა, ამ შემთხვევაში ვიღებთ 533 მეგაჰერციან სისტემურ სალტეს და ორარხიანი მეხსიერების კონტროლერს, ორივე ჩიფსეტს აქვს ინტეგრირებული ვიდეო სისტემა GMA900, რომელიც იყენებს 4 პიქსელურ კონვეირს და მუშაობს 333 მეგაჰერციან სიხშირეზე.

მობილური   დიდად არ განსხვავდება სამაგიდო ვერსიისგან, ასე რომ იდეაში შესაძლებელია 8 ცალი UშB 2.0-ის გამოყენება, 2 სატა პორტი (სხვათაშორის ვინჩესტერი გადამყვანის მეშვეობით ამ პორტზეა მიერთებული), სტანდარტული AC'97 v.2.3 და ოთხი ცალი PCI-Express x1. მაგრამ PCMCIA სლოტისთვის არცერთი არ გამოიყენება, იმიტომ რომ იგი ისევ ძველებურ ვარიანტში PCI სალტეზეა რეალიზებული. პირველი გვერდი « 1 2 3 » ბოლო გვერდი