COMPINFO - კომპიუტერული ინფორმაცია - სტატიები » სახელმძღვანელო » Best Buy - კომპინფოს საუკეთესო კონფიგურაცია
http://www.compinfo.ge/index.php?nav=1&area=1&p=articles&action=showdetails&id=86&artpage=4&type=review|
Best Buy - კომპინფოს საუკეთესო კონფიგურაცია
 ბიუჯეტური PC – AMD
უკან მოვიტოვეთ Low-End კომპიუტერები, გავზარდეთ ჩვენი ბიუჯეტი და ახალი შესაძლებლობებიც გაჩნდა. ბიუჯეტურ სისტემაში გვაქვს საკმაოდ მძლავრი ვიდეო დაფა და პროცესორიც. ორივე ერთად მშვენიერ წარმადობას უზრუნველყოფენ როგორც ყოველდღიური საქმიანობისას, ასევე გეიმინგის, რენდერეგინგისა და ვიდეო/აუდიო კონვერტირებისას.
პირველი, რაც ახალ სისტემაში თვალში გხვდებათ, ახალი, სამბირთვიანი პროცესორია. Phenom II X3 710 აწყობილია 45 ნმ ტექნოპროცესით, რაც საშუალებას იძლევა პროცესორი საკმაოდ ადვილად იქნეს აჩქარებული. 3.0 გჰც სრულიად ადვილად მიღწევადია ამ პროცესორზე.
პროცესორის გაგრილებისთვის ბაზისურ კონფიგურაციაში ჩვენ სტანდარტული ქულერი ჩავსვით, რომელიც თვითონ Phenom II X3 710-ს მოყვება. აღნიშნული ქულერი საკმარისია მომხმარებლების უმეტესობისთვის, განსაკუთრებით მათთვის, ვინც აჩქარებასთან (Overclocking) შედარებით მწყრალადაა ან მხოლოდ რამდენიმე ასეული მეჰაგერცის მომატებას გეგმავს. მათ, ვისაც უკეთესი გაგრილება გსურთ, გული არ დაგწყდეთ, ჩვენმა მაღაზიებმა ბოლო დროს საკმაოდ მძლავრი და ინოვაციური გაგრილების სისტემები შემოიტანეს ბაზარზე (მათ შორის, წყლის გაგრილების სისტემებიც), მათ შორის, ისეთი ბრენდებისა, როგორებიცაა Thermaltake, Scythe, Zalman და ა.შ. საშუალო კლასის სისტემისთვის ავარჩიეთ Gigabyte GA-MA770-DS3 დედა დაფა, რომელიც საქართველოს პირობებში საუკეთესო არჩევანია Phenom II 720 BE და 710 პროცესორების მფლობელებისთვის, ვისაც შეზღუდული ბიუჯეტის პირობებში წარმადობის მაქსიმიზირება სურთ. AMD 770 IOH ჩრდილოეთ და SB700 სამხრეთ ხიდის ხარჯზე Gigabyte GA-MA770-DS3 უზრუნველყოფს AM2+ და AM3 პროცესორებისა და მაქს. 16 გბ ოპერატიული მეხსიერების მხარდაჭერას. დედა დაფა აჭურვილია Gigabyte's Ultra Durable 3 ტექნოლოგიით, Realtek ALC 888 HD აუდიო დაფით, Realtek RTL8111C Gigabit ქსელის დაფით, ექვსი 3 გბ/წმ SATA პორტითა და RAID 0/1/10-ის მხარდაჭერით, ერთი IDE პორტით, 12 USB 2.0 პორტით და IEEE 1394a-ს მხარდაჭერით. დამატებით გვაქვს ერთი PCI-E x16, ოთხი PCI-E x1 და PCI სლოტით. მოკლედ რომ ვთქვათ, 96 მარადმწვანის ხარჯზე მშვენიერ დედა დაფას მიიღებთ. საშუალო კლასის კონფიგურაციის საფასო ზღვარმა საშუალება მოგვცა, კონფიგურაციაში საკმაოდ მძლავრი ვიდეო დაფაც ჩაგვერთო. ამჯერად არჩევანი ZOTAC GeForce GTS 250-ზე შევაჩერეთ, რომელიც საშუალებას იძლევა ყველა თანამედროვე თამაში ითამაშოთ 30“-იან მონიტორებზეც კი. სამწუხაროდ, ქართულ ბაზარზე ჯერ არ გამოჩენილა ATI/AMD-ს ბესტსელერი - Radeon HD 4770, რომელიც ამ ფასის კონგიგურაციებისთვის ჩვენი რჩეული ვიდეო დაფაა. იმის გამო, რომ ბოლო დროს ოპერატიული მეხსიერება საკმაოდ ხელმისაწვდომი გახდა, გადავწყვიტეთ, როგორც საწყის, ასევე საშუალო კლასის სისტემებისთვის 4 გბ მოცულობის ოპ. მეხსიერება აგვერჩია. საშუალო კლასის სისტემებისთვის ავარჩიეთ Mushkin-ის 4 გბ-იანი მოდელი - REDLINE PC2-8000 2X2გბ. აღნიშნული ოპ. მეხსიერება აჩქარების საშუალებასაც იძლევა - საკმაოდ ადვილად შეძლებთ 1100 მეგაჰერციან ზღვარს გადასცდეთ. რაც შეეხება მყარ დისკებს, მათი მოცულობა მუდმივად იზრდება, ფასები კი კლებულობს. სწორედ ამიტომ, გადავწყვიტეთ, საშუალო დონის კომპიუტერები 750 გბ მოცულობის მქონე დისკებით აღგვეჭურვა. ჩვენი მზერა გამოცდილ ბრენდზე, Seagate-ზე შეჩერდა. ავარჩიეთ უახლესი მოდელი - 750გბ-იანი Barracuda ST3750528AS 32 მბ კეშ-მეხსიერებით, რომელიც გამოირჩევა სისწრაფითა და ჩუმი მუშაობით. ოპტიკურ დრაივად ავირჩიეთ საქართველოში დღესდღეობით ყველაზე ახალი და სწრაფი მოდელი - Samsung SH-S223Q DVD±RW დრაივი, რომელსაც პრაქტიკულად ყველანაირი ფართოდ გავრცელებული სტანდარტის DVD/CD დისკების ჩაწერა და წაკითხვა შეუძლია. დამატებით ბონუსად გვაქვს Lightscribe - დისკების მოხატვის ტექნოლოგიის მხარდაჭერა. კომპიუტერის კეისი ყოველთვის პატრონის ინდივიდუალიზმსა და გემოვნებას უსვამდა და უსვამს ხაზს, ამიტომ აქ არჩევანის გაკეთება ცოტა რთულია. თუმცა, ჩვენ მაინც ჩავსვით საშუალო დონის კეისები კონფიგურაციაში. ჩვენი რჩეულები HKC-ს 7022ND და 7060 მოდელები გახდნენ. აღსანიშნავია, რომ კეისების საკითხში სრულ თავისუფლებას განიჭებთ. სრულიად შესაძლებელია, ჩვენი არჩეული კეისები არ მოგეწონოთ. ასეთ შემთხვევაში შეგიძლიათ თქვენი გემოვნების მიხედვით იმოქმედოთ. რაც შეეხება ისეთ შემთხვევებს, როცა კეისს უდიდესი ყურადღება ექცევა, ალტაში, ჯიტეკში, MBC-ში და ორიონ ტექნოლოჯიში (შესაძლებელია სხვა მაღაზიებშიც) შეგიძლიათ შეიძინოთ ისეთი ბრენდების მაღალი კლასის კეისები, როგორებიცაა Cooler Master, Thermaltake და ა.შ. კვების ბლოკები ქართულ ბაზარზე მუდმივად უდიდეს პრობლემას წარმოადგენდა. კომპ. მაღაზიებს შემოჰქონდათ და ახლაც, უმეტესად დაბალი კლასის, სუსტი კვების ბლოკები შემოაქვთ, რომლებიც სისუსტესთან ერთად, საკმაოდ დაბალი სანდოობით გამოირჩევიან. პრობლემა არ იარსებებდა, აღნიშნული კვების ბლოკები რომელიმე ცნობილი და ღირსეული კომპანიის ნაწარმი რომ იყოს (მაგ, Thermaltake, FSP, OCZ და სხვა), მაგრამ, სამწუხაროდ, საქართველოში არსებული კვების ბლოკების უდიდესი ნაწილი მსოფლიო ბაზრის მაჩანჩალა კომპანიების დამზადებულია. თუმცა, როგორც სხვაგან, ბოლო დროს, მდგომარეობა თითქოს კვების ბლოკების ბაზარზეც გამოსწორებისკენ მიდის. გამოჩნდა ისეთი ბრენდების კვების ბლოკები, როგორებიცაა Thermaltake, Tagan, Corsair, FSP, Cooler Master და ა.შ, თუმცა, მათი უმეტესობა საკმაოდ ძვირი ღირს. საშუალო დონის კომპიუტერებისთვის ჩვენ Ultron UN650S, 650 ვატიანი კვების ბლოკი შევარჩიეთ (დიახ, არ გირჩევთ იმ კვების ბლოკი გამოყენებას, რომელიც ჩვენს რჩეულ კეისს მოწყვება. კი, იგი ამ კონფიგურაციის მქონე კომპიუტერს ამუშავებს, მაგრამ სისტემის სტაბილურობას კვების ბლოკის დაბალი სიმძლავრე და ხარისხი ეჭვქვეშ დააყენებს). უახლოეს მომავალში შემოგთავაზებთ სტატიას კვების ბლოკების შესახებაც, სადაც შევეცდებით აგიხსნათ, რატომაა მნიშნველოვანი, რომ კარგი კვების ბლოკი გქონდეთ თქვენ საყვარელი კომპიუტერისთვის. კონფიგურაციაში ჩავსვით მონიტორიც. ამჯერად ჩვენი არჩევანი Samsung 2243NW-ზე შეჩერდა. როგორც კეისების შემთხვევაში, აქაც ჩვენი არჩევანი სუბიექტურია. თქვენ თქვენი გემოვნებით შეგიძლიათ იმოქმედოთ, მაგრამ, მხოლოდ მონიტორების გარეგნობით ნუ მოტყუვდებით. ყურადღება მიაქციეთ ტექნიკურ მახასიათებლებსაც. შეგნებულად არ ავარჩიეთ კლავიატურა, თაგუნა და სპიკერები. აქ უბრალოდ პირობითი თანხები გამოვყავით. არჩევანის საშუალებას კი თქვენ გიტოვებთ. გსურთ High-End თაგუნა? გადაიხადეთ მეტი და შეიძინეთ სასურველი. გსურთ 5.1 სტანდარტის საუნდ სისტემა? აქაც თავისუფალი ბრძანდებით. იყიდეთ ის, რაც გსურთ და მოგწონთ. რაც შეეხება აპგრეიდის შესაძლებლობებს, აღნიშნული სისტემის სიმძლავრის გაზრდა საკმაოდ ადვილად შეგიძლიათ. მაგ, თუ დიდი გამოთვლითი სიმძლავრეები გჭირდებათ, შეგიძლიათ შეიძინოთ უფრო ახალი და მძლავრი პროცესორი, მაგ - Phenom II X3 720 BE, რომელიც 710-თან შედარებით 30$-ით მეტი დაგიჯდებათ. როგორც უკვე ვთქვით, თუ თქვენ ოვერქლოქერი ხართ, შეგიძლიათ გააუმჯობესოთ გაგრილების სისტემა. გეიმერებს შეგიძლიათ ძლიერი ვიდეო დაფა შეიძინოთ (დედა დაფა აღჭურვილია PCI-Express 2.0 x16 სლოტით). ვისაც დიდი მოცულობის მყარი დისკი გჭირდებათ, შეგიძლიათ შეიძინოთ, 1 ტბ ან უფრო დიდი მოცულობის მყარი დისკი, ან იყიდოთ ორი 500/640/750 გბ-იანი დისკი. ვისაც სუპერ აუდიო სისტემა სურს, შეუძლია მაღალი კლასის აუდიო დაფა და სპიკერები შეიძინოს და ა.შ. მოკლედ, აღნიშნული სისტემა საკმაოდ მოქნილია და ნებისმიერ დროს შეგიძლიათ მისი ნებისმიერი ნაწილი შეცვალოთ უფრო ახლით, თავსებადობის პრობლემები მინიმალური იქნება. |
|
|||||||||||||||||||||||||||||||||||||||||||||||||||||||||||||||||||||||||
გამოხმაურება
ნამდვილად იცოცხლე და იხარე ძამა მინიმუმ 7-თაობა!!!!....როგორც იქნა განათდა და განათლდა ხალხი...დიდი მადლობა ამ სტატიისათვის!!!....
05-02-2010, 02:59:54 |
makho
საინტერესო წამოწყებაა
მადლობა ავტორს
09-07-2009, 12:39:39 |
გაიხარე ძმაო
ძაან კარგი სტატიაა და ძაან
კარგი რუბრიკა. ამას თუ
მართლაც განაახლებთ ხოლმე
მეტისმეტად კარგ საქმეს
გააკეთებთ. როგორც ბაბუ
იტყოდა ამის არ დანახვა არ
შეიძლება
02-07-2009, 22:47:05 |
ვანო გაიხარე
ძალიან დიდი მადლობა 
ძლივს!!! შენი წყალობით ეხლა გამიადვილდება კომპის ყიდვა,თან სანდო მაღაზიებიც დავაფიქსირე და არც თუ ისე მაღალი (მაწყობს) ფასები.მოკლედ და ვრცლად "დიდი მადლობა" !!!
30-06-2009, 00:08:17 |
Giga1
კომენტარის დატოვება
თქვენ არ შეგიძლიათ კომენტარების დატოვება.
გამარჯობათ!
1. ხომ ვერ მეტყვით სად შეიძლება Dell Optiplex GX110-ის დათრევა?
2. რატომ ხდება თვითნებური გადატვირთვა