Avira AntiVir Rescue System

Avira AntiVir  compinfo-ს  რჩეული ანტივირუსია და შედის CompinfoPack-ის შემადგენლობაშიც.

როგორც DR.Web, Avira-ც უშვებს Live CD-ს, რომელზეც ჩაწერილია ანტივირუსი. იდეა აბსოლუტურად იგივეა, უბრალოდ ამ Live CD-ზე Avira AntiVir-ია ჩაწერილი. პროდუქტს Avira AntiVir Rescue System ჰქვია და მისი გადმოწერა ამ მისამართიდან შეიძლება.

DR.Web-ის ქმნილებისგან განსხვავებით, Avira AntiVir Rescue System ჩვეულებრივი გამშვები ფაილია, მასში ინტეგრირებულია თვითონ დისკის ასლიც და ასლის დისკზე ჩამწერი პროგრამაც. ჩამტვირთავი დისკის ჩასაწერად უბრალოდ ჩადეთ ცარიელი დისკი დრაივში და გაუშვით ფაილი.

თუკი იმ წუთში CD ხელთ არ გაქვთ, ან გინდათ ჩაწეროთ თქვენი ფავორიტი ჩამწერი პროგრამით, შეგიძლიათ დააჭიროთ Exit-ს, პროგრამა შემოგთავაზებთ დისკის ასლის შენახვას:

დისკის ასლის შესანახად, დააჭირეთ Yes-ს, მიუთითეთ ადგილი და რაიმე სახელი:

მოკლედ, ჩამტვირთავი დისკი უკვე მზადაა, ჩატვირთვაც იცით, როგორც უნდა. ისღა დაგრჩენიათ, ჩაიტვირთოთ:

გამოსულ ფანჯარაში ჩაწერეთ 1 და დააწექით Enter-ს (ან დაიცადეთ რამდენიმე წამი).

როგორც სურათიდან ჩანს, ეს პროდუქტიც Linux-ზეა დაფუძნებული, ოღონდ წინა შემთხვევისგან განსხვავებით არ შეიცავს არანაირ დამატებით უტილიტას, ირთვება მხოლოდ ანტივირუსი.

ანტივირუსი ჩაირთვება გერმანული ინტერფეისით, სურვილის შემთხვევაში შეიძლება ბრიტანეთის დროშაზე დაჭერით ინგლისურზე გადართოთ.

აქაც საჭიროა ბაზების განახლება, ამას გააკეთებთ ღილაკ Update-ზე დაჭერით:

სკანირების დაწყებამდე აქაც საჭიროა მცირე კონფიგურაცია, ამისთვის შედით Configuration განყოფილებაში და დააყენეთ შემდეგნაირად:

ანუ, შეცვალეთ მხოლოდ Actions at malware discovery განყოფილება, მონიშნეთ

Try to repair infected files და Rename files, if they cannot be resolved?

შემდეგ, გადავდივართ Virus scanner-ის განყოფილებაში და ვაწვებით ღილაკს Start Scanner.

სკანირების დრო ისევ და ისევ დამოკიდებულია კომპიუტერის მონაცემებსა და ფაილთა რაოდენობაზე.

Avira AntiVir-ის ანტივირუსული ძრავი და მონაცემთა ბაზა აღიარებულია ერთ-ერთ საუკეთესოდ სხვადასხვა დამოუკიდებელი ლაბორატორიის მიერ.

სკანირების დასრულების შემდეგ შევდივართ Miscellaneous განყოფილებაში და ვაჭერთ ღილაკს Shutdown ან restart, სურვილისამებრ.

იმედია, თქვენი ვინჩესტერი გამოემშვიდობა ვირუსებს :-)

დასკვნის სახით მინდა ავღნიშნო, რომ უმჯობესი იქნება, თუკი ინფიცირებულ კომპზე ორივე პროგრამსა გამოიყენებთ, ეს ხერხები 100%-იან გარანტიას არ იძლევიან, მაგრამ ერთობლივად გამოყენების შემთხვევაში სრულად გაწმენდის შანსი იზრდება.

კიდევ ერთი შენიშვნა: ვირუსებმა შეიძლება დააზიანეს სისტემური ფაილები, რის გამოც Windows-ის წარმადობა სკანირების შემდეგაც არ გაიზარდოს მნიშვნელოვნად და საჭირო გახდეს სისტემის გადაყენება.

P.S:  შესაძლოა ერთმა პატარა ხრიკმა აგაშოროთ Windows-ის გადაყენება:

ამისთვის შედით Start მენიუში, დააჭირეთ Run... და აკრიფეთ SFC /scannow (Windows XP-ს შემთხვევაში საჭიროა ის დისკი, საიდანაც დაინსტალირებულია სისტემა), სისტემა შეამოწმებს სისტემური ფაილების მდგომარეობას და შეცვლის მათ დისკიდან დაზიანების აღმოჩენის შემთხვევაში.

P.P.S: ვირუსები თუ მოიშორეთ, უმჯობესია იფიქროთ მათ პრევენციაზე: გადაიკითხეთ otosaxel-ის სტატია უსაფრთხოება windows-ის ქვეშ.

ავტორი: gi0_kiborg