ტესტირების მეთოდოლოგია

ტესტირება ჩატარდა კომპინფოს ტესტ-ლაბორატორიის აპარატურაზე:

ტესტირებისთვის გამოყენებულ იქნა 2 ცალი Noctua NF-P12 და 2 ცალი Thermalright TR-FDB 2000 ვენტილატორი. მათი ტექნიკური მახასიათებლების ნახვა ქვემოთ შეგიძლიათ.

Noctua NF-P12
ზომა: 120x120x25 მმ
საკისარი: SSO
სიჩქარე:  1300 ბრუნი/წუთში
ჰაერის ნაკადი: 53 კუბური ფუტი წუთში
ხმაურის დონე: 19,8 დბ 
ენერგომოხმარება: 1,08 ვატი
დენი: 0,09 ამპერი
ძაბვა: 12 ვოლტი

Thermalright TR-FDB 2000
ზომა: 120x120x25 მმ
საკისარი: FDB
სიჩქარე:  2000 ბრუნი/წუთში
ჰაერის ნაკადი: 80.5 კუბური ფუტი წუთში
ხმაურის დონე: 38 დბ 
ენერგომოხმარება: 1,56 ვატი
დენი: 0,13 ამპერი
ძაბვა: 12 ვოლტი

თერმოპასტად ვიყენებთ Arctic Cooling MX-2-ს. რეალურად განმეორებითი და სწორი შედეგის მისაღებად, თითოეული ტესტი გატარებულია 5-ჯერ. ის შედეგები, რასაც თქვენ შემდეგ გვერდზე იხილავთ, 5-5 ტესტიდან თითო საუკეთესოა. ამ მეთოდს ძალიან დიდი დრო მიაქვს, მაგრამ შედეგების თითქმის იდეალურ სიზუსტეს უზრუნველყოფს და გამორიცხავს ქულერის დაყენებისას დაშვებული შეცდომების გამო ტესტირების შედეგებზე ზეგავლენას.

ოპერაციულ სისტემად ვიყენებთ ახალი Windows 7 RTM Build 7600 ვერსიას.

პროცესორის სტრეს ტესტისთვის ვიყენებთ პროგრამა LinX 0.6.2-ს, ხოლო პროცესორის ტემპერატურის აღრიცხვისთვის CoreTemp 0.99.5-ს. ყოველი ტესტისას ხდება LinX-ის გაშვება 4 წუთით "ქულერის გახურებისთვის" და მხოლოდ ამის შემდეგ, 20 წუთის განმავლობაში CoreTemp-ის Log ფაილის საშუალებით ხდება ტემპერატურის აღრიცხვა. ლოგიდან ხდება ტემპერატურის ყველაზე მაღალი მაჩვენებლის ამოღება, რომელიც ითვლება მიღწეულ შედეგად. მომენტალური ტემპერატურის ვარდნები იგნორირდება.

დაუტვირთავ, IDLE რეჟიმში ტემპერატურის გასაზომად 20 წუთის განმავლობაში კომპიუტერი უმოქმედოდ რჩება და შემდეგ მიღებული უმდაბლესი ტემპერატურა ითვლება შედეგად.

ოთახის ტემპერატურა მთელი ტესტირების მანძილზე მუდმივად 20 გრადუსი იყო.

გადავიდეთ შედეგებზე (იმის გამო, რომ ჩვენს პროცესორს 29 გრადუსზე დაბალი ტემპერატურის გაზომვა "არ უყვარს," ყველგან, სადაც ნახავთ <29 ტემპერატურას, ჩათვალეთ, რომ მიღებული შედეგი ნაკლებია ან ტოლია 29 გრადუსისა).

პირველი გვერდი « 2 3 4 5 6 7 8 » ბოლო გვერდი