ამ დღეებში მიმდინარე IDF (Intel Developer Forum) 2007-ის საშემოდგომო სესიებზე ინტელმა ოფიციალურად განაცხადა USB 3.0 Promoter Group-ის შექმნის შესახებ. ეს ჯგუფი იმუშავებს ახალი უნივერსალური სალტის, USB 3.0-ის, შექმნასა და გავრცელებაზე კომპებისა და სხვადასხვა აპარატურისათვის. ჯგუფში გაერთიანებულია ისეთი დიდი მწარმოებლები, როგორებიცაა Intel, Hewlett Packard, Microsoft, NEC, NXP Semiconductors და Texas Instruments.

წინასწარი ცნობებით, USB 3.0-ის სიჩქარე 10-ჯერ უფრო დიდი იქნება, ვიდრე USB 2.0. ეს ნიშნავს, რომ 25 გიგაბაიტიანი ფაილის გადაცემას მიახლოებით 10 წამში შევძლებთ :) ასევე, ცნობილია, რომ ახალი სპეციფიკაცია თავსებადი და უფრო ეკონომიური იქნება ვიდრე ძველი USB 2.0.

USB 3.0-ის საბოლოო სპეციფიკაცია 2008 წლის პირველ ნახევარში გახდება ცნობილი.

ბეჭდვითი ვერსია