გაიხსნა GTA IV-ის ოფიციალური საიტი, სადაც მწარმოებელმა განათავსა საკმაოდ დიდი რაოდენობის მედია კონტენტი, როგორც ფოტო და ვიდეო ასევე ფლეშის სახით. ვიდეო რგოლების საშუალებით გაიგებთ, მაგალითად, როგორ მუშაობს მობილური ტელეფონი ამ თამაშში :-) ასევე, გაეცნობით თამაშის ბევრ საინტერესო ასპექტს.

აღსანიშნავია, რომ თამაშის მასშტაბები ძალიან დიდია. ამავე დროს, შენარჩუნებულია მაღალი დეტალიზაცია, რაც GTA-ს წინა სერიებს აშკარად აკლდათ. ჯამში, გრაფიკული თვალსაზრისით GTA IV საკმაოდ კარგად გამოიყურება.

შეგახსენებთ, რომ GTA IV ბაზარზე 29 აპრილს გამოვა, მაგრამ იგი განკუთვნილი იქნება მხოლოდ XBOX 360 და PlayStation 3-სთვის. წლის ბოლომდე კი დაგეგმილია PC ვერსიის გამოსვლაც.

ბეჭდვითი ვერსია