Microsoft აქტიურად მუშაბს Office 2010-ზე, თუმცა ამჯერად მუშაობა მხოლოდ პროგრამით არ შემოიფარგლა და Office 2010-ზე სათავგადასავლო ჟანრის ფილმის გადაღებაც გადაწყდა! სიუჟეტი ვითარდება 2010 წელს, როცა უცნობი ჰაკერი ქმნის ფონტს, რომელიც ნებისმიერ ადამიანს აიძულებს, მასზე დაწერილი ტექსტი დაიჯერონ. ჰაკერის წინააღმდეგ საბრძოლველად აბრუნებენ ძველ აგენტს, რომელმაც პირადი ტრაგედიის - მეწყვილის სიკვდილის - გამო დაანება თავი მუშაობას, აგენტი იწყებს ბრძოლას ...

დაიჯერეთ? მაშინ ტრეილერსაც უყურეთ და დარწმუნდით, რომ ეს მორიგი სარეკლამო ხრიკია :-)

საქმე ისაა, რომ MS ზედმეტად მონდომებულია, პოპულარიზაცია გაუწიოს Office 2010 და ზუსტად ამ მიზნით გადააღებინა არარსებული ფილმის ტრეილერი Dennis Low-ს. ფილმს ოფიციალური ვებ-გვერდიც კი გააჩნია, სადაც შეგიძლია რამდენიმე ტრეილერი ნახოთ და "გადამღები ჯგუფის" ბლოგიც კი მოინახულოთ (რომელიც სინამდვილეში Office 2010-ის ტექნიკური გუნდის ბლოგია).

ბეჭდვითი ვერსია