COMPINFO - კომპიუტერული ინფორმაცია - სიახლეები » Hard News » DirectX 11 მეინსტრიმში: ATI Radeon HD 5770 & 5750

http://www.compinfo.ge/index.php?p=news&area=1&newsid=2235

ადგილმდებარეობა მთავარი » სიახლეები » Hard News

DirectX 11 მეინსტრიმში: ATI Radeon HD 5770 & 5750

პირველი DirectX 11-ის მხარდამჭერი ვიდეო დაფები AMD/ATI-მ სულ რამდენიმე კვირის წინ გამოუშვა. ჯერ ერთი თვეც კი არ გასულა მას შემდეგ! მიუხედავად იმისა, რომ Radeon HD 5870 და 5850 გამოსვლისთანავე ძალიან პოპულარული გახდა წარმადობისა და ფასის შეფარდების გამო, ბევრისთვის ისინი მაინც მიუწვდომელია. რატომ? მათი ფასები - 379 და 259 მარადმწვანე ბევრისთვის მაინც ხელმიუწვდომელია. აქვე არის მეორე გარემოებაც - ბევრი მომხმარებელი იყენებს 17/19/22"-იან მონიტორებს, მაქსიმუმ 1680X1050 გარჩევადობით და ისეთი სიმძლავრის ვიდეო დაფები, როგორიც Radeon HD 5870 და 5850-ია, უბრალოდ არ სჭირდებოდეს.

Radeon HD 5770

სწორედ ასეთი შემთხვევებისთვის არსებობს მეინსტრიმ ბაზარი, ბაზარი რომელიც მწარმოებლისთვის ყველაზე მომგებიანია, რადგან პოტენციური მომხმარებლების დიდი ნაწილი სწორედ ამ სეგმენტშია. მოკლედ, 2 დღის წინ AMD/ATI-მ ბაზარზე ოფიციალურად გაუშვა Radeon HD 5770 და 5750. 1 გბ GDDR5 მეხსიერებით აღჭურვილი ვიდეო დაფები 159 და 129$ ეღირება, შესაბამისად. მალე ამ სიას შეემატება HD 5750 512 მბ მეხსიერებით, რომლის ფასიც სულ რაღაც 109 მარადმწვანე პრეზიდენტი იქნება. სამივე ვიდეო დაფა აღჭურვილია ორი DVI და ერთი HDMI პორტით, შესაბამისად, ერთდროულად გამოსახულების გატანა შესაძლებელია 3 მონიტორზე.

დანარჩენისთვის დააჭირეთ სრულად-ს

Radeon 5700 სერიის ვიდეო დაფებში გამოყენებულია 40 ნმ ტექნოპროცესით დამზადებული ჩიპი, კოდური სახელით Juniper. იგი შედგება 1.04 მილიარდი ტრანზისტორისგან და მისი ზომა სულ რაღაც 166 კვადრატული მმ-ია. შედარებისთვის, Radeon HD 5870-სა და 5850-ში გამოყენებული ჩიპის, Cipres-ის ზომა 334 მმ²-ია. სწორედ ეს აძლევს საშუალებას ATI-ს, შეამციროს ვიდეო დაფების დამზადების ხარჯები და მძლავრი პროდუქტები წარმოადგინოს 100-200$-იან შუალედში.

Radeon HD 5750

დღეისთვის ამ საფასო სეგმენტში ATI-ს ოთხი ვიდეო დაფა იყიდება: Radeon HD 4890, 4870, 4850 და 4770. წარმადობის მხრივ, Radeon HD 5770 დაახლოებით HD 4850-ის დონეზე დგას, შესაბამისად, ალბათ სწორედ აღნიშნული ვიდეო დაფა იქნება ჩანაცვლებული ავტომატურად. ცხადია, დროთა განმავლობაში მე-4 სერიას მთლიანად ჩაენაცვლება მე-5. დღევანდელი პროგნოზებით, 40 ნმ ტექნოპროცესზე დამზადებული 4770-ის ფასი დაიკლებს, 2010 წლის პირველ კვარტლის ბოლოსთვის კი ბაზრიდან HD4850-თან ერთად გაქრებიან 4870-ცა და 4890-იც.

წლის ბოლომდე ATI გეგმავს კიდევ ერთი Ultra-High End ვიდეო დაფის გამოშვებას, კოდური სახელით Hemlock. მისი საბაზრო დასახელება იქნება Radeon HD 5870 X2 და ცხადია მისი მიზანი ATI-სთვის წარმადობის გვირგვინის დასაკუთრება იქნება. მომავალი წლის დასაწყისში კი ვიხილავთ კიდევ უფრო ხელმისაწვდომ Radeon HD 5600 სერიის ვიდეო დაფებს.

ესეც ATI-ს ახალი და ძველი პროდუქტების ტექნიკური მახასიათებლების ცხრილი:

	Radeon HD 5870	Radeon HD 5850	Radeon HD 5770	Radeon HD 5750	Radeon HD 4870	Radeon HD 4850
Stream Processors	1600	1440	800	720	800	800
Texture Units	80	72	40	36	40	40
ROPs	32	32	16	16	16	16
Core Clock	850MHz	725MHz	850MHz	700MHz	750MHz	625MHz
Memory Clock	1.2GHz (4.8GHz data rate) GDDR5	1GHz (4GHz data rate) GDDR5	1.2GHz (4.8GHz data rate) GDDR5	1.15GHz (4.6GHz data rate) GDDR5	900MHz (3600MHz data rate) GDDR5	993MHz (1986MHz data rate) GDDR3
Memory Bus Width	256-bit	256-bit	128-bit	128-bit	256-bit	256-bit
Frame Buffer	1GB	1GB	1GB	1GB / 512MB	1GB	1GB / 512MB
Transistor Count	2.15B	2.15B	1.04B	1.04B	956M	956M
TDP	188W	151W	108W	86W	150W	110W
Price Point	$379	$259	$159	$129 / $109	$140-$160	$109-$129

ბეჭდვითი ვერსია | 16-10-2009, 20:19:00 | Power_VANO

თემატური სიახლეები

ATI Eyefinity

ATI Radeon HD 5800 სერიის პრემიერა

ATI Stream ტექნოლოგია ვიდეო...

GeoBulb™ LED ნათურა

დეტალები ATI Radeon 4890-ის შესახებ

თემატური სტატიები

Windows Server 2008 R2-ის მორჯულება

გამოხმაურება

თან წარმოიდგინე, 8800GTX-ის წარმადობის დონეზე უკეთესი აგერ მაგ 129/109$-იან Radeon HD 5750-ს აქვს :D

21-10-2009, 10:19:09 | Power_VANO

ვაა
არადა DX10-ის პირველი მხარდამჭერი 8800 რა ფასი ღირდა....259დოლარი სულაც არაა ძვირი High End ვიდეოსთვის მემგონი ა?

20-10-2009, 20:10:50 | Gio_kiborg

კომენტარის დატოვება

თქვენ არ შეგიძლიათ კომენტარების დატოვება.