როგორც უკვე იცით, NVIDIA თავის ახალი GF100  სერიის ვიდეო დაფებს უკვე აწარმოებს TSMC-ს ფაბრიკებში. იმის გამო, რომ უამრავ დეტალს დღემდე საიდუმლოდ ინახავს კომპანია, GF100 სერიის ვიდეო დაფებს ხუმრობით "კარდონის" ვიდეო დაფებს უწოდებენ ხოლმე :)

დღეისთვის მომავალ ვიდეო დაფებს უკვე სახელებიც შეურჩია მშობელმა - რამდენიმე დღის წინ, NVIDIA-ს ოფიციალურ Twitter-ის ანგარიშზე დაიდო ინფორმაცია, რომ GF100 სერიის პირველ ვიდეო დაფებს GTX 480 და GTX 470 ერქმევათ.

უფროსი ძმა GeForce GTX 480 უმაღლესი წარმადობის მოდელი იქნება, ხოლო GTX 470-ში სავარაუდოდ შემცირებული იქნება როგორც სიხშირეები, ასევე CUDA ბირთვების რაოდენობაც. ამას ემატება GF100-ის ბირთვის დიდი ზომა, რაც წარმოების პრობლემებს ქმნის. შესაბამისად, წუნდებული ჩიპების ნაწილი, შესაძლოა, სწორედ GTX470-ში ვიხილოთ.

როგორც ჩანს, კომპანია ახალ ვიდეო დაფებს მთლიანად 400-იან სერიაში უშვებს. GeForce 300 სერიის წარმომადგენელი მხოლოდ ერთია -  GeForce 310, რომელიც OEM-რებრენდირებული GeForce 210-ია, DirectX 10.1-ის მხარდაჭერით.

ბეჭდვითი ვერსია