გამოფენა CES 2010 (ეს სხვაა CeBIT არ გეგონოთ, თუმცა რა აზრი აქვს ჩვენთან არც ერთი არ ტარდება), წარმოდგენილი იყო Cooler Master V6 GT ახალი ქულერი, რომელსაც ტრადიციული Tower ფორმა აქვს, 6 ცალი U ფორმის სითბური მილაკით და აღჭურვილია ორი ცალი 120 მმ-იანი ვენტილატორით ბრუნვის სიჩქარის რეგულირებით.

ვენტილატორების სამაგრები ანტივიბრაციულია, ქულერის თავზე შეგვიძლია ვნახოთ გადამრთველი რომლითაც განათების ფერი შეგვიძლია შევცვალოთ. ბრუნვის სიჩქრე 600-დან 2200 RPm-მდე, ჰაერის მაქსიმალური ნაკადი 111,2 კუბური ფუტი წუთში. ხმაურის დონე 13-დან 30 Dba-მდე. ქულერი გამოვა მაისი ბოლოს და სავარაუდო ფასი 60 ევროა.

ასევე გაყიდვაში გამოვა შედარებით იაფი ქულერი V6, რომელსაც არ ექნება განათება და სითბური მილაკები მონიკელებული არ იქნება. ასევე ჰაერის მაქსიმალური ნაკადი იქნება 85,5 კუბური ფუტი.

სიახლის ავტორი: სოსო
წყარო: Overclockers.ge

ბეჭდვითი ვერსია