დიდი ხნის შესვენების შემდეგ (რაც ზაფხულის დასვენებით იყო გამოწვეული) გთავაზობთ CompinfoPack–ის მომდევნო – სექტემბრის ვერსიას. ამ ვერსიაში რამდენიმე საინტერესო განახლება გვაქვს.

რაც შეეხება ცვლილებებს AIO–ში, ესენია:

• შეიცვალა პირველი გვერდის დიზაინი;
• პირველ გვერდზე გავიდა ყველაზე ხშირად ინსტალირებადი პროგრამების სია ("პოპულარული"), რათა საჭირო არ იყოს მათ დასაინსტალირებლად ზედმეტი კლიკების გაკეთება;
• დაემატა "დახმარების გვერდები", რომელშიც დეტალურადაა განხილული პაკეტის დანიშნულება, შედგენილობა და მოწყობა;
• დაემატა "საინფორმაციო ყუთი": ყოველი პროგრამის სახელზე თაგვის გაჩერებისას გვერდის ბოლოში გამოისახება საინფორმაციო ყუთი, რომელიც შეიცავს ინფორმაციას პროგრამის ვერსიის, მწარმოებლის და ოფიციალური ვებ–გვერდის შესახებ. თუ არსებობს პროგრამის  ქართული აღწერა, საინფორმაციო ყუთში მის ბმულსაც ნახავთ.
• თუ პროგრამა უკვე ინსტალირებულია სისტემაში, მისი შესაბამისი ღილაკი (და ჩეკბოქსი InstAll–ში) AIO–ში იქნება შედარებით ნაცრისფერი, რათა მომხმარებელმა სწრაფად გაარჩიოს, რომელი პროგრამებია დასაინსტალირებელი და რომელი – არა.

რაც შეეხება ცვლილებას ნაკრებში შემავალ პროგრამებში, ის მინიმალურია:

• დაემატა Java–ს (JRE) საინსტალაციო პაკეტი;
• ლექსიკონი Worldweb შეიცვალა ლექსიკონით Lingoes;
• ამოვარდა ლოკალური ვებ–სერვერი VertrigoServ;
• ამოვარდა ეკრანის ჩამწერი პროგრამა CamStudio;
  

საბოლოო ჯამში, AIO–ს შემადგენლობა შემდეგია:

• პაკეტი „ინტერნეტი“: Opera, Firefox, Skype, Postbox, FileZilla, FDM, Digsby, uTorrent
• პაკეტი „მულტიმედია“: VLC, Winamp, Gom Player, Format Factory, Picasa, Paint.Net, Adobe Flash Player, JRE
  
• პაკეტი „უტილიტები“: Unlocker, Advanced Systemcare Free, 7zip, Free Hide Folders, CCleaner, Daemon Tools Lite, Launchy, GeoKBD, FSCapture, Process Explorer, HashTab, BrunAware Free, Smart Defrag, TeraCopy, WinMerge
• პაკეტი „დაცვა & ოფისი“: Avira Antivi Personal, COMODO Firewall, MalwareBytes Anti-Malware, Foxit Reader, DjVuLibre
• პაკეტი „ზოგადი“: TeamViewer, Lingoes, Notepad++, Font Pack, .Net Framework

რაღა თქმა უნდა, პაკეტში შემავალი ყველა პროგრამა ბოლო ვერსიამდეა განახლებული.

CompinfoPack–ის სექტემბრის გამოშვების ჩამოტვირთვა შეგიძლიათ ამ ბმულიდან: CompinfoPack : სექტემბერი 2009

ორიოდე დამატებითი სურათი, რომლებიც წარმოდგენას შეგიქმნით CompinfoPack–ის სექტემბრის ვერსიაზე: