პირველ რიგში, ბოდიშს ვიხდით, რომ ამდენი ხნით გავწყვიტეთ CompinfoPack–ის გამოშვება და იმედი გვაქვს, ეს აღარ მოხდება. გთავაზობთ განახლებულ ნაკრებს.

ამ თვის ნაკრებმა ბოლო–ბოლო, მიიღო Best Buy–ს განახლებული სიები და მცირე სიახლეც: ყველა კონფიგურაციას ბოლოში დართული აქვს იმ მაღაზიების მისამართები, ტელეფონები და ვებ–მისამართები, რომლებში არსებული ნაწილებიც გამოყენებულია BB–ს შესადგენად. ასე რომ, შეგიძლიათ უბრალოდ ამობეჭდოთ კონფიგურაცია და პირდაპირ წახვიდეთ საყიდლებზე ყველანაირი დამატებითი პრობლემების გარეშე.

ნაკრების ფუნქციონალობაში შესამჩნევი განახლება მხოლოდ ერთია: საინფორმაციო ყუთი გაიზარდა და ახლა პროგრამების მოკლე აღწერებსაც შეიცავს (ამის გამო არ მოხერხდა პროგრამების სრული ფუნქციონალობის ჩამოთვლა, ზოგან მხოლოდ პროგრამის მთავარი შესაძლებლობაა მითითებული). გვაქვს რამდენიმე შიდა ცვლილებაც, მაგრამ ისინი თვალისთვის უხილავია და რამდენიმე შეცდომის გამოსწორებას ემსახურება.

რაც შეეხება თვითონ ნაკრებს, აქ შედარებით (მხოლოდ შედარებით) ბევრი სიახლეა:

• გამოსწორდა და დაიხვეწა ქართული ფონტების ინსტალერის მოქმედება, შესაძლებელია ფონტების ჩუმად ინსტალაციაც და ინსტალატორი სრულად ქართულია
• Postbox, ელ. ფოსტის კლიენტი, შეივალა, რადგანაც მისი ახალი ვერსიები ფასიანია. შემცვლელი პროგრამაა Thunderbird, რომლის ბაზაზეც გახლავთ Postbox აწყობილი. Thunderbird–ს აქვს ყველა ის ღირსება, რომელიც მის ფასიან კონკურენტს და Postbox–იდან თავისუფლადაა შესაძლებელი მთელი ინფორმაციის Thunderbird–ში მიგრირება.
• Foxit Reader, მისი შესამჩნევი “დამძიმების” და ყოველ გაშვებაზე ადმინისტრატორის უფლებების (ეხება მხოლოდ Vista/Win7–ს) მოთხოვნის გამო შეიცვალა ძალიან მსუბუქი და სწრაფი SumatraPDF–ით (რომელმაც, სხვათა შორის, სულ ახლახანს მიაღწია სრულ ვერსიას)

რაღა თქმა უნდა, განახლებულია ნაკრებში შემავალი ყველა პროგრამა ბოლო ვერსიამდე.

CompinfoPack–ს თებერვლის ჩამოტვირთვა შეგიძლიათ ჩამოტვირთვების განყოფილებიდან: CompinfoPack : თებერვალი 2010

ბეჭდვითი ვერსია