ჩვენმა მკითხველმა უკვე იცის რომ ახალი ოპერაციული სისტემა სახელად Windows VISTA ოფიციალურად მოევლინა ამ სამყაროს, ეს მოხდა 2007 წლის 30 იანვარს, მანამდე კი ქსელში გამოპარული იყო არაოფიციალური ვერსიები. დღევანდელ  სტატიაში ვისაუბრებთ ახალი ოპერაციული სისტემების ვერსიებზე და შესაძლებლობებზე.

გარკვეულ წილად ქართველი მომხმარებელი დაიბნა, რადგან მისთვის აქამდე არსებობდა მხოლოდ Windows XP და მთელი კითხვები ამით ამოიწურებოდა. მაგრამ ახალი ოპერაციული სისტემა თავისი მრავალფეროვნებით გვაბნევს. სინამდვილეში იგივე Windows XP-ს საკმაოდ ბევრი სახის გამოდიოდა, მაგრამ ფართო საზოგადოებისთვის იგი ცნობილი არ იყო. ამიტომ ბევრნაირი ვერსიის გამოჩენა და ამ ვერსიების მრავალფეროვნებამ მცდარი შეხედულება წარმოშვა თითქოსდა ახალი ოპერაციული სისტემა უფრო მრავალი სახით გამოდის. იდეაში XP-სთან შედარებით 1-2 მოდიფიკაცია ახალია ჩამატებული, მაგრამ ძირითადში ყველა ვერსია ძველი XP-ს სტანდარტებს შეესაბამება.

ჯერ ჩამოვთვლი ვერსიებს:
Windows Vista Starter Edition
Windows Vista Home N Edition
Windows Vista Home Basic Edition
Windows Vista Home Premium Edition
Windows Vista Busines N Edition
Windows Vista Busines Edition
Windows Vista Enterprise Edition
Windows Vista Ultimate Edition

ამ ვერსიებიდან ზოგიერთი შეცვლის თითქმის იგივე სახელის მქონე Windows XP-ს ვერსიებს, მაგალითად ჩამატებული ასო N ნიშნავს რომ ვერსია განკუთვნილია ევროპის ქვეყნებისთვის და ამ ვერსიაში არ არის ჩამატებული Windows Media Plaer-ი, თუმცა მსურველს შეუძლია ჩამოქაჩოს და ნებისმიერ დროს დააყენოს. თავიდან ევროპისთვის იგეგმებოდა უფრო შეკვეცილი ვერსიის გამოშვება, კონკრეტულად კი IE 7.0-ის გარეშე, მაგრამ შემდეგ ევრო კომისიას თითქოს და არაფერი მოუმიზეზებია და Microsoft-მაც ყველაფერი უცვლელად დატოვა.

დანარჩენი ვერსიები Starter, Home, Busines და Enterprise პრაქტიკულად უკვე არსებულ შესაბამის ვერსიებს. მაგალითად  Starter ვერსია არის შეკვეცილი აქვს ნომინალური შესაძლებლობები, ასე მაგალითად 3 პროგრამაზე მეტს ერთდროულად ვერ გაუშვებთ ასეთ სისტემაზე, ასევე ამ სისტემაში არ არის რეალიზებული ბევრი VISTA-ს სანაქებო სიახლე. ძირითადად ეს ვერსია განკუთვნილია სასწავლო ცენტრებისთვის, სადაც მომხმარებლები ახლა იწყებენ სისტემის ათვისებას. გარდა ამისა ეს ვერსია განკუთვნილია მცირე შემოსავლიანი ქვეყნებისთვის, ამ ვერსიის ფასი ყველაზე დაბალი იქნება.

შემდეგი ვერსია Home პრაქტიკულად გამოიყენება ყველა სახის კომპიუტერზე სხვათაშორის ერთერთი ვერსია Windows Vista Home Premium Edition უფრო სრულყოფილია ვიდრე Windows Vista Busines Edition. კერძოდ Windows Vista Home Premium Edition განკუთვნილია სახლის მომხმარებლებისთვის რომლებსაც სამუშაოს გარდა უყვართ გართობა, შედეგად ამ ვერსიაში რეალიზებულია თამაშების მხარდაჭერა, ახალი გრაფიკული გარსი და სხვა მრავალი ფუნქცია, რაც მაგალითად იგივე ვიდრე Windows Vista Busines Edition-ში საერთოდ არ არის ჩაყოლებული, იდეაში ეს არის დღეისათვის ცნობილი Windows XP Media Edition-ის შემცვლელი.

Windows Vista Enterprise Edition შეცვლის დღეისათვის თითქმის ყველასთან ინსტალირებულ WIndows XP Proffesional-ს.  აქედან გამომდინარე ამ ვერსიაში რეალიზებულია თითქმის ყველა შესაძლებლობა რაც ახალ ოპერაციულ სისტემას გააჩნია.

მაგრამ გამოდის კიდევ ერთი ვერსია Windows Vista Ultimate Edition, ამ ვერსიის ანალოგი დღემდე არ ყოფილა, ეს არის ყველაზე სრულყოფილი ვერსია, მისი შემადგენლობაში შედის გრაფიკული გარსი, მშობლების კონტროლი, მედია ცენტრი, ფლეშ დისკების ქეშ მეხსიერებად გამოყენების შესაძლებლობა და სხვა მრავალი. თუმცა სრულყოფილება შესაბამის ფასსაც მოითხოვს სრული ვერსია ეღირება 400$-მდე.  ახლა შემდეგ გვერდზე გავეცნოთ ახალი ოპერაციული სისტემების სრულ შესაძლებლობებს.