XXI საუკუნეში მობილური ტელეფონი უკვე ძალიან ბევრს აქვს. მათ შორის, ცხადია, არიან კომპ. იუზერებიც, რომლებიც მობილურებს განსაკუთრებულ მოთხოვნებს უყენებენ. ერთ-ერთი ასეთი მოთხოვნა ინტერნეტში თითქმის სრულფასოვანი სერფინგის შესაძლებლობაა. მიუხედავად იმისა, რომ საშუალო კლასიდან დაწყებული თითქმის ყველა მობილური ტელეფონი აკმაყოფილებს ამ მოთხოვნას (მეტნაკლებად) Opera Mini-ს საშუალებით, ქართველ მომხმარებელს კიდევ ერთი პრობლემა აწუხებს - უნიკოდის მხარდაჭერა.
ახალი შრიფტის ინსტალირება სმარტფონების მფლობელებისთვის პრობლემას არ წარმოადგენს და უმარტივესად კეთდება, მაგრამ რა ქნან მათ, ვისაც არა-სმარტფონი (ანუ ჩვეულებრივი მობილური ტელეფონი :-)) აქვს? რა თქმა უნდა, ,,წავიდეს და სმარტფონი იყიდოს” მისაღები არაა, რადგან ჩვენ პრობლემის გადაჭრა გვსურს და არა მისთვის გვერდის ავლა. დღეს სწორედ ქართული უნიკოდის პრობლემას მოვაგვარებთ, მაგრამ, სამწუხაროდ, მხოლოდ Sony Ericsson-ის მობილურ ტელეფონებზე, ისიც მხოლოდ ზოგიერთებზე.
Compinfo.ge Sony Ericsson K800i-ს ეკრანზე
იმისათვის, რომ მობილურ ტელეფონზე შრიფტის ინსტალირება შევძლოთ, საჭიროა: 1) გვქონდეს წვდომა ტელეფონის ფაილურ სისტემასთან და 2) ტელეფონის ფონტების დირექტორია ფაილურ სისტემაში უნდა მდებარეობდეს.
პირველ მოთხოვნას Sony Ericsson-ის ყველა მობილური ტელეფონი აკმაყოფილებს, მაგრამ მეორე მოთხოვნის დაკმაყოფილებას მხოლოდ ახალ DB2020 პლატფორმაზე (და უფრო ახალი) აწყობილი ტელეფონები ახერხებენ. ეს ერთს ნიშნავს, თამაშგარე რჩებიან DB2010/2012 პლატფორმაზე აწყობილი ისეთი ტელეფონები, როგორიცაა, მაგალითად, K750, W800, W810 და ა.შ. ეს საკმაოდ სამწუხარო ფაქტია, რაშიც თავისუფლად შეგვიძლია Sony Ericsson-ი დავადანაშაულოთ :-D რაც შეეხება DB2020 პლატფორმის ტელეფონებს, მათ შორისაა: K790, K800, K610, K550, V630, W830, W850, W610, W710, W880, Z610, Z710. ცხადია, ეს სრული სია არ არის. იმისათვის, რომ გაიგოთ რომელ პლატფორმაზეა თქვენი ტელეფონი აწყობილი, გამოიყენეთ ეს ინსტრუქცია.
თუ თქვენი ტელეფონი აკმაყოფილებს ზემოხსენებულ ორივე მოთხოვნას, შეგიძლიათ გადახვიდეთ შემდეგ ეტაპზე - ფონტების მობილური მეხსიერებაში ატვირთვაზე. სტატია მომზადებულია K800i-ს მაგალითზე, მაგრამ ნუ შეგეშინდებათ, სხვა ტელეფონებზეც ყველაფერი ანალოგიურად კეთდება.
პირველი გვერდი 1 2 » ბოლო გვერდი
დაწვრილებით
მაგარი განვითარდა მობილურები. მომავლიდან გესაუბრებით - აიფონ 12 დაფრინავს , ისეთი მობილური შესაძლებლობები აქვს. ასევე არის სამსუნგების სმარფონები , რომელიც ძლებს 2 დღე დატენვის გარეშე.